Sulm ajror në një treg në Myanmar, 33 të vrarë dhe 36 të plagosur (VIDEO)

Një sulm ajror ushtarak në një treg në perëndim të Myanmarit ka vrarë 33 persona dhe ka plagosur 36 të tjerë. Sulmi ndodhi të dielën në qytetin Hyaktaw, në shtetin Rakhine, sipas një fraksioni rebel që kontrollon zonën.

Sulmi u krye rreth mesditës, sipas orës lokale, duke goditur një treg dhe një urë aty pranë. Ushtria Arakan, grupi rebel që kontrollon shtetin Rakhine, tha se numri i viktimave “mund të vazhdojë të rritet”.

Një dëshmitar okular, i cili kërkoi të mbetej anonim për arsye sigurie, tha se kishte parë më shumë se 30 trupa në vendngjarje gjatë pasdites. Sipas tij, mbetje njerëzore u gjetën mes rrënojave, ndërsa rrugët ishin të mbushura me kratere.

Shteti Rakhine mban një pjesë të madhe të pasojave të luftës civile në Myanmar, e cila shpërtheu pas grushtit ushtarak të shtetit në vitin 2021.

Kyauktaw Bombing Kills 33 Civilians, Injures 36 Others@UN @UN_HRC @hrw @guardian @AJEnglish @BBC @RapporteurUn @antonioguterres @realDonaldTrump @ABC
#Kyauktaw #IndiaMarket #RakhineState #AirStrike #JetFighter #MilitaryCommission #CivilianCasualties #BreakingNews pic.twitter.com/94JPD14dLb

— Maung Khin Zaw (@MaungKhinZaw4) September 28, 2026