Familjarët e Ervin Dylgjerit, 51 vjeç, nga Fieri, kanë bërë apel për ndihmë për gjetjen e tij, pasi ai është larguar nga banesa mëngjesin e sotëm dhe nuk është kthyer.
Sipas familjarëve, Ervini është larguar rreth orës 06:00 nga banesa. Më vonë, rreth orës 11:00, ai dyshohet se është parë duke zbritur nga autobusi i linjës Fier–Tiranë, në Tiranë.
Familjarët bëjnë me dije se 51-vjeçari ka probleme shëndetësore dhe nuk mund të komunikojë, çka ka shtuar shqetësimin për gjendjen dhe vendndodhjen e tij.
Ervini jeton me nënën e tij 85-vjeçare dhe motrën. Familjarët kanë bërë denoncim në polici, ndërsa apelojnë edhe për ndihmën e qytetarëve për ta gjetur sa më shpejt.
Kushdo që ka informacion për vendndodhjen e Ervinit, lutet të kontaktojë në numrin: 067 498 5589.
Çdo informacion mund të jetë i rëndësishëm për familjen e tij.