Demo pret ambasadoren e BE: Bashkëpunim më i fortë për sigurinë dhe integrimin europian
Ministri i Punëve të Brendshme, Ervin Demo, zhvilloi sot një takim me ambasadoren e Bashkimit Europian në Shqipëri, Sofia Moreira de Sousa, ku në qendër të diskutimeve ishte forcimi i bashkëpunimit në fushën e sigurisë dhe prioritetet e Shqipërisë në procesin e integrimit europian.
Gjatë takimit u diskutua mbi mbështetjen e Bashkimit Europian për forcimin e kapaciteteve të Policisë së Shtetit, luftën kundër krimit të organizuar dhe rikuperimin e aseteve kriminale. Një tjetër fokus i rëndësishëm ishte menaxhimi i kufijve dhe migracionit, në përputhje me standardet europiane dhe kërkesat e hapësirës Schengen.
Ministri Demo theksoi rëndësinë e forcimit të institucioneve, bashkëpunimit ndërinstitucional dhe koordinimit me partnerët ndërkombëtarë në këtë fazë të procesit të integrimit.
Sipas tij, prioritet mbetet arritja e rezultateve konkrete, të matshme dhe të qëndrueshme, veçanërisht në fushën e sigurisë dhe zbatimit të reformave.
“Partneriteti me Bashkimin Europian do të vijojë të mbështesë reformat dhe avancimin e Shqipërisë në rrugën drejt anëtarësimit”, u shpreh ministri Demo.
Kryefaqja
BE miraton pesë projekte të përbashkëta të mbrojtjes për dronë, mbrojtje detare dhe raketore
Zbardhen diskutimet në Këshillin e Sigurisë për çështjen Hyseni, Presidenca jep detajet! I pranishëm dhe Kreu i SPAK
Rama mbledh drejtuesit politikë të PS-së, takimi zhvillohet sot në “Vilën e Kuqe”
- 20:55 Nata e 13-të e protestës ”Jo në emrin tim”, qytetarët mblidhen sërish në Prishtinë
- 20:39 Google teston përdorimin e inteligjencës artificiale në hapësirë
- 20:26 Videoja e Trumpit zemëron opozitën, keqpërdorim i parave publike apo mesazh patriotik? (VIDEO)
- 20:21 Britania përgatitet për një ndalim të mundshëm të eksporteve amerikane të naftës
- 20:16 Apple duhet të paguajë 5.7 miliardë dollarë, akuzohet se përdori teknologjinë e një firme tjetë
- 20:13 Alarm për bombë në Harvard, evakuohen studentët dhe stafi