Mbyllen fjalimet para Kryeministrisë dhe protestuesit kanë nisur marshimin në rrugët e Tiranës.

Pas fjalimeve të qytetarëve dhe aktivistëve, turma ka nisur marshimin për të vijuar protestën në rrugët e kryeqytetit.

“Rama, jepe dorëheqjen”, “Ju erdhi fundi” dhe thirrje të tjera kundër qeverisë janë dëgjuar gjatë protestës.

Protestuesit mbajnë flamuj kuqezi dhe pankarta në duar, ndërsa marshimi vijon në disa prej akseve kryesore të Tiranës.

Në ditën e 121-të të protestës, qytetarët kanë përsëritur kërkesat e tyre kundër qeverisë dhe kryeministrit Edi Rama.

Marshimi vijon, ndërsa pritet që protestuesit të kalojnë në disa prej pikave kryesore të kryeqytetit.