Italia merr fitoren e parë në epokën e dytë të trajnerin Mancini. Pas humbjes me Belgjikën 2-0, të kaltrit triumfuan 4-1 përballë Turqisë në transfertë, duke treguar një fytyrë krejt tjetër. Tre gola në pjesën e parë dhe një tjetër në fraksionin e dytë nga Francesco Pio Esposito mjaftuan për të gjunjëzuar skuadrën e Montella-s, që pësoi kështu humbjen e dytë brenda pak ditës (u mposht edhe nga Franca).

Italia ka kaluar në avantazh ndaj Turqisë në minutën e 9-të të ndeshjes. “Axurrët” fituan një goditje nga këndi dhe pas harkimit në zonë, topi mbërriti te Alessandro Bastoni, i cili nuk gaboi me goditjen e tij.

Mbrojtësi italian e kontrolloi topin brenda zonës dhe goditi fuqishëm drejt portës, duke e dërguar sferën në pjesën e sipërme të rrjetës. Portieri turk Altay Bayındır nuk pati mundësi të reagonte ndaj goditjes së fortë.

Turqi – Itali 0-1

Italia kishte krijuar një tjetër mundësi të mirë vetëm pak çaste më herët. Në minutën e 8-të, Francesco Pio Esposito mori një pasim të saktë dhe goditi menjëherë drejt këndit të poshtëm të majtë, por Bayındır reagoi në kohë dhe shpëtoi portën e Turqisë.

Tjetër gol për Italinë! Davide Frattesi dyfishon avantazhin, duke e dërguar topin në rrjetë nga afër, pasi përfitoi nga topi i kthyer që i ra në mënyrë të favorshme në këmbë, 0-2.

Turqi - Itali 0-2

Topi përfundon në rrjetë! Michael Kayode është autori i golit të radhës për Italinë në minutën e 27-të. 

Turqi - Itali 0-3

Nis me gol pjesa e dytë, Turqia ngushton diferencën në 1-3. Oguz Aydin pason topin te këmbët e Barış Yılmaz, i cili gjendet përballë portës së boshatisur dhe nuk e ka të vështirë ta dërgojë sferën në rrjetë.

Turqi - Itali 1-3

Kundërpërgjigjet shpejt Italia, Francesco Pio Esposito shënon të katërtin për të kaltrit.

Turqi - Itali 1-4