“Vite zhvillimi brenda pak muajsh”, shkencëtarët paralajmërojnë për një shpërthim të inteligjencës artificiale

Dy prej figurave më të rëndësishme në zhvillimin e inteligjencës artificiale, Geoffrey Hinton dhe Yoshua Bengio, po u kërkojnë qeverive të përgatiten për mundësinë e një përshpejtimi ekstrem të AI-së.

Në një raport të ri, Hinton, fitues i Nobelit, Bengio dhe drejtues të lartë të kompanive të teknologjisë paralajmërojnë për atë që e quajnë një “shpërthim inteligjence”: një skenar ku inteligjenca artificiale përshpejton vetë zhvillimin e sistemeve të reja të AI-së. 

Sipas autorëve, përparime teknologjike që në kushte normale do të kërkonin vite mund të ngjeshen në vetëm disa muaj ose edhe më pak. Shqetësimi lidhet veçanërisht me mundësinë që sistemet e AI-së të arrijnë nivelin e ekspertëve njerëzorë në kërkim dhe zhvillim të inteligjencës artificiale.

Në raport marrin pjesë gjithashtu Jack Clark, bashkëthemelues i Anthropic, dhe Jakub Pachocki, shkencëtari kryesor i OpenAI. Autorët argumentojnë se qeveritë duhet të përgatiten për këtë mundësi përpara se ritmi i zhvillimit të bëhet shumë më i shpejtë se kapaciteti i institucioneve për të reaguar.