I dënuar për vr'asje, kush është 28-vjeçari shqiptar i arrestuar në Itali

Një tjetër person i shpallur në kërkim ndërkombëtar është arrestuar në Itali, në kuadër të operacionit policor të koduar “The Wanted”.

Policia e Shtetit njofton se në Bolzano është arrestuar me qëllim ekstradimi shtetasi Vanxhel Balla, 28 vjeç, lindur në Dibër, i dënuar me 12 vite burg për veprën penale “Vrasje me paramendim”, kryer në bashkëpunim.

Balla ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Dibër e kishte dënuar në vitin 2020 me 12 vite burg. Sipas autoriteteve, atij i kanë mbetur për të vuajtur edhe 9 vite burg.
   
Nga hetimet dhe vendimi gjyqësor rezulton se Vanxhel Balla, së bashku me vëllain e tij, shtetasin A. B., pas një konflikti për motive të dobëta, kanë vrarë me mjet prerës, thikë, shtetasin A. Z., alias I. Z.

Arrestimi u realizua në Bolzano, në bashkëpunim mes autoriteteve shqiptare dhe atyre italiane.

Interpol Tirana, në bashkëpunim me Interpol Romën, vijon procedurat për ekstradimin e 28-vjeçarit drejt Shqipërisë, ku ai do të vuajë pjesën e mbetur të dënimit.

Njoftimi:

Vijon bashkëpunimi me homologët për kapjen dhe ekstradimin e shtetasve të shpallur në kërkim ndërkombëtar.

Finalizohet një tjetër fazë e operacionit policor të koduar “The Wanted”.

Kapet në Bolzano të Italisë një i kërkuar, i dënuar për vrasje me paramendim, kryer në bashkëpunim.

Arrestohet me qëllim ekstradimi shtetasi Vanxhel Balla, 28 vjeç, lindur në Dibër.

Shtetasi Vanxhel Balla ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Dibër, në vitin 2020, e ka dënuar me 12 vjet burg (mbetur për të kryer 9 vjet burg), për veprën penale “Vrasje me paramendim”, kryer në bashkëpunim.

Ky shtetas, së bashku me vëllain e tij, shtetasin A. B., pas një konflikti për motive të dobëta, kanë vrarë me mjet prerës (thikë) shtetasin A. Z alias I. Z

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Shqipërisë.