Elliot Anderson vazhdon të jetë pjesë e planeve të Real Madridit për merkato të ardhshme, pasi klubi spanjoll e konsideron atë një kandidat të rëndësishëm për mesfushën.
Të lidhura
None found
drejtuesit madrilenë e shohin 23-vjeçarin si një zgjidhje të mundshme për repartin që Jose Mourinho ka kërkuar ta përforcojë që prej afatit të fundit kalimtar. Anderson iu bashkua Manchester Cityt këtë verë, pas transferimit nga Nottingham Forest për rreth 134 milionë euro, ndërsa firmosi një kontratë që e mban në klub deri në qershor të vitit 2031.
Paraqitjet e mesfushorit në Ligën Premier, së bashku me aktivizimin e tij me Kombëtaren e Anglisë në Botërorin e fundit, kanë ndikuar në rritjen e vlerës së tij në tregun ndërkombëtar. Kjo e ka vendosur Andersonin mes lojtarëve të rinj të mesfushës me potencialin më të madh.
Megjithatë, një lëvizje e mundshme do të ndikohet edhe nga zhvillimet administrative dhe disiplinore që lidhen me Manchester Cityn, i cili po përballet me hetime nga Premierliga për 115 akuza.
Situatën e lojtarit po e monitorojnë gjithashtu Arsenali dhe Manchester United. Të dy klubet mund të përfshihen në garë nëse drejtuesit e Cityt detyrohen të marrin në konsideratë largimin e disa prej futbollistëve kryesorë.
