“Revolucioni i Flamingove”, Rama: Duas i pëlqen protesta, mua më pëlqen Dua

Kryeministri Edi Rama ka komentuar mbështetjen e këngëtares me origjinë shqiptare, Dua Lipa, për protestat e “Revolucionit të Flamingove”, duke thënë se nuk e sheh këtë si problem dhe se është normale që njerëzit të kenë qëndrime të ndryshme.

Kryeministri Edi Rama ka folur për qëndrimin e Dua Lipës, e cila ka shprehur mbështetjen e saj për “Revolucionin e Flamingove”. Rama, i cili ndodhet në Bruksel tha se nuk ka asnjë problem me faktin që këngëtarja mbështet protestën, duke shtuar se ai vetë është krenar për të.

I pyetur nëse mbështetja e Dua Lipës për protestën mund të konsiderohet një element propagande, Rama u përgjigj: “Ajo është krenare për protestën, unë jam krenar për të. Është shumë e thjeshtë, nuk ka asnjë problem.”

Kryeministri tha se nuk duhet parë zhvillimi dhe konservimi i mjedisit si dy alternativa që përjashtojnë njëra-tjetrën.

“Është ideologji kur thua ose zhvillimi ose konservimi. Unë them që zhvillimi dhe konservimi mund të funksionojnë krah për krah”, u shpreh Rama.

Duke iu referuar Dua Lipës, kryeministri shtoi me humor: “Duas i pëlqen protesta, mua më pëlqen Dua, e dua shumë atë. Nuk e di nëse ajo e dashuron protestën.”

Rama e krahasoi qëndrimin e tij ndaj këngëtares me atë që ka ndaj figurave të tjera publike, duke theksuar se admirimi për dikë nuk do të thotë domosdoshmërisht dakordësi me çdo deklaratë të tij.

“Ajo është këngëtare, nuk është Papa. Mua më pëlqen Papa, por nuk jam dakord me çdo gjë që thotë”, deklaroi kryeministri.

Kryeministri u shpreh gjithashtu se fakti që në Shqipëri zhvillohen protesta është një shenjë e normalizimit të jetës shoqërore.

“Fakti që kemi protesta sot është shumë mirë. Ne po bëhemi si të gjithë. Njerëzit protestojnë”, tha Rama.

Duke folur për nisjen e protestave kundër zhvillimeve turistike në zonën e Nartës dhe Sazanit, Rama tha se mobilizimi masiv nuk lidhej vetëm me çështjen e flamingove.

“Kur protestat ishin në fillim të tyre dhe u bënë masive, ishte e qartë se nuk u bënë masive sepse e gjithë Shqipëria kishte problemin e flamingove, por shqiptarët duhet të përcillnin mesazhin”, u shpreh ai.

Rama tha se gjatë kësaj periudhe ka pasur edhe komunikime me protestuesit, përfshirë biseda private.

“Ne punuam, biseduam dhe u angazhova me protestuesit, në biseda private, sepse më dërgonin mesazhe, sepse pashë atje njerëz që më thuhej se ishin votuesit tanë”, tha kryeministri.

Integrimi në BE, Rama: Jemi në kontakt të vazhdueshëm me Marta Kos, është edhe Trump i mirëpritur në Union nëse do

14:35 Politika

PD kërkesë për informacion zyrtar Kryeministrit dhe Presidentit për çështjen e SHISH

14:25 Politika

“Shqipëria me normën më të ulët të vjedhjeve”, Rama: Jemi perlë në zemër të Evropës, jo gropë e zezë

14:19 Politika

Rama flet me shifra: Në Zvërnec, investimi më i madh turistik në Evropë

14:06 Politika

“Dikur çdo shqiptar që hynte shënohej si turist!”, Rama: Po investojmë në turizmin luksoz, marrim më shumë mbrapsht

14:00 Politika

Masa e SPAK për ish-kreun e SHISH, Balla: PS nuk është avokate e askujt, çdokush ta kundërshtojë masën në gjykatë

13:15 Politika

Spaho përplaset me Adriana Kalanë: Harrove sa ma ke sharë Berishën kur s’të bëri Avokate Populli? Do t’i nxjerr mesazhet?

12:40 Politika

Ndalesa e parë Tirana, Ursula von der Leyen nis të mërkurën turin ballkanik

11:55 Politika

Balla takim me Anton Hofreiter: Mirënjohje Gjermanisë për mbështetjen në rrugëtimin europian të Shqipërisë

11:36 Politika

Ylli Rakipi: Ne e dinim çfarë po ndodhte dhe heshtëm. Fevziu bën si i habitur: Unë s’dija gjë

11:15 Politika 1 koment