Shefja e SHISH 'fik radarët' e shtetit, Rama: Shqipëria një nga vendet më të sigurta në Evropë. Në Zvërnec investimi më i madh turistik në Evropë
Rama: Dua Lipës i pëlqen protesta, mua më pëlqen shumë Dua! Ajo është këngëtare... (VIDEO) 29 Shta...
Rama: Dua Lipës i pëlqen protesta, mua më pëlqen shumë Dua! Ajo është këngëtare... (VIDEO) 29 Shta...
Shpërthimi në Sarandë/ Karburanti “Ano Oil” prej tre muajsh i mbyllur, dy punonjësit po përgatitnin ambient...
"Kjo është protestë e faqes së bardhë"/ Protestuesi: Kjo qeverisje që premtoi mrekulli në 2013 nuk bëri ...
Reforma territoriale/ Emiriona Sako: Kompetencat e centralizuara të rishikohen dhe të kthehen te bashkia, çdo funksion duhet sh...
Ndërkohë, teksa Zelensky foli, gazetarët në kryeqytetin ukrainas raportuan për shpërthime në qytet gjatë një alarmi për sulm me raketa të martën herët.
Presidenti i Ukrainës, Volodymyr Zelensky, ka paralajmëruar se Kremlini po përgatitet për një mobilizim të ri të trupave brenda vendit dhe për zhvendosjen e edhe 10.000 ushtarëve të Koresë së Veriut në luftën në Ukrainë.
Ndërkohë, teksa Zelensky foli, gazetarët në kryeqytetin ukrainas raportuan për shpërthime në qytet gjatë një alarmi për sulm me raketa të martën herët.
Zelensky tha se të paktën nëntë njerëz u vranë dhe më shumë se 80 u plagosën të hënën në sulmet me dronë rusë në mbarë vendin.
Në fjalimin e tij të përnatshëm me video, Zelensky tha të hënën vonë se Ukraina po përballet me vështirësi për të kundërvepruar ndaj dronëve rusë me motorë reaktivë që fluturojnë në lartësi të mëdha.
Ai tha se 90 nga 120 dronët e lëshuar kundër Ukrainës kishin motorë reaktivë, për dallim nga dronët me helika.
“Përgjuesit e rinj po testohen në mënyrë aktive”, tha ai në fjalimin e tij.
“Disa grupe luftarake po i përdorin ata, por, natyrisht, janë disa hollësi që duhet të përpunohen për të arritur efektivitet dhe shkallëzim të mjaftueshëm”, tha ai.
Zelensky iu referua gjithashtu një raporti të agjencisë së inteligjencës ushtarake të Ukrainës, HUR, për të cilin tha se tregonte se Rusia kishte nisur një valë të re mobilizimi për ushtrinë e saj.
“Po rrisin numrin e njerëzve që rekrutojnë përmes metodave të ndryshme”, tha ai. “Është e rëndësishme që qeveritë e vendeve nga të cilat Rusia rekruton njerëz për ushtrinë e saj të ndërmarrin veprime kundër kësaj”, shtoi ai.
Përgatitjet kanë nisur, sipas Zelenskyt
Zelensky tha se rreth 8.000 trupa të Koresë së Veriut që Kremlini i solli në vitin 2024 për ta zmbrapsur një inkursion ukrainas në rajonin rus të Kurskut, kanë mbetur në vend dhe se janë duke u bërë përgatitjet për zhvendosjen e edhe 10.000 ushtarëve të tjerë.
Ai theksoi në një postim në rrjetet sociale se koreanoveriorët, të cilët, sipas raportimeve, pësuan humbje të mëdha gjatë dislokimit të mëparshëm, “po përzgjidhen për trajnim dhe dislokim të mëpastajshëm në Rusi”.
Presidenti i Rusisë, Vladimir Putin, i ka hedhur poshtë raportimet për një mobilizim të ri si “marrëzi”, megjithëse më 28 shtator ai nënshkroi një dekret për shtimin e 15.500 trupave. Ky është urdhri i katërt i tillë këtë vit.
“Numri i autorizuar i personelit të forcave të armatosura ruse do të përcaktohet në 2.441.630 pjesëtarë, përfshirë 1.550.500 pjesëtarë të personelit ushtarak”, thuhej në dekret, pa dhënë arsye për shtimin.
Rusia ka pësuar humbje të mëdha në ushtarë, armë dhe pajisje ushtarake që nga nisja e pushtimit në shkallë të plotë të Ukrainës në shkurt 2022, një luftë për të cilën Kremlini, sipas raportimeve, besonte se do të përfundonte me fitore brenda vetëm disa javësh.
Putin urdhëroi për herë të fundit mobilizimin e rezervistëve në vitin 2022 dhe një tjetër lëvizje e tillë ka gjasa të jetë shumë e papëlqyer në mesin e popullsisë ruse.
Reforma të vështira
Ndërkohë, kryeministri ukrainas Serhiy Koretskiy paralajmëroi se gjendja e financave publike “mbetet e vështirë”, duke thënë se ritmi i ngadaltë i reformave ka bërë që partnerët perëndimorë të vonohen në zbatimin e zotimeve financiare.
“Një pjesë e financimit të planifikuar ndërkombëtar ende nuk ka mbërritur. Në veçanti, për shkak të faktit se Ukraina nuk ka pasur kohë të përmbushë disa nga detyrimet që ka marrë përsipër ndaj partnerëve ndërkombëtarë”, tha ai, pa dhënë hollësi.
Koretskiy u ka bërë thirrje ligjvënësve ukrainas të miratojnë reforma të vështira, përfshirë taksimin e pakove postare nga jashtë dhe një rishikim gjithëpërfshirës të sistemit të taksave.
Zelensky tha se të hënën kishte zhvilluar takime me Koretskiyn dhe zyrtarë të tjerë për të diskutuar “prioritetet tona kryesore në punën me partnerët gjatë javëve të ardhshme në përgjigje të kësaj situate”.
“Qeveria, nga ana e saj, po bën gjithçka të nevojshme për të përmbushur angazhimet e saj dhe për të marrë financimin ndërkombëtar të planifikuar. Po punojmë së bashku me parlamentin. Dhe këtu është e rëndësishme puna e përgjegjshme e deputetëve nga të gjitha fraksionet dhe grupet”, shtoi ai, megjithëse nuk dha hollësi specifike./REL
Benjamin Netanyahu IZRAEL- Kryeministri izraelit Benjamin Netanyahu ka paralajmëruar se kundërshtarët e Izraelit mund të tentojnë ...
Pamje FRANCA- Nëpunësit civilë dhe punonjësit e sektorëve publikë kanë dalë sot në grevë në Franc&eu...
Anthropic SHBA- A mund t'u kërkojë një kompani investitorëve të vlerësojnë veten në më shumë se 2 trilion...
shkolla në Staskov SLLOVAKI- Një grua 61-vjeçare ka humbur jetën dhe dy persona, mes tyre një fëmijë, janë plagos...
Igor Simiq (në anën e djathtë) dhe Sllavko Simiq (në prapavijë, në anën e majtë), deputetë të Listës Se...
Anthropic SHBA- Anthropic ka paralajmëruar investitorët për rreziqet e mundshme që mund të sjellë zhvillimi i modeleve gjith...
FBI SHBA- Sulmi kibernetik, në të cilin hakerat vodhën një sasi të madhe të dhënash personale nga punonjës aktual&e...
Marco Rubio SHBA- Sekretari amerikan i Shtetit, Marco Rubio, deklaroi se incidenti i rëndë pranë bazës ajrore RAF Fairford në Brit...
Ndërtesa e Akademisë Kombëtare të Shkencave të Ukrainës, pas një sulmi me dronë nga Rusia në Kiev më 28 shta...
Falluxha, Irak IRAK- Shtetet e Bashkuara po përfundojnë tërheqjen e trupave të tyre nga Iraku, duke i dhënë fund një pra...
