Një kapitull i ri ka nisur në marrëdhëniet mes Shqipërisë dhe Shteteve të Bashkuara, me fillimin e detyrës së ambasadorit të ri amerikan në Tiranë, Erik Wendt.
Në rezidencën zyrtare të ambasadorit është zhvilluar ceremonia e ngritjes së flamurit amerikan, e realizuar nga Trupa e Marinsave të Shteteve të Bashkuara.
Përmes një postimi, Ambasada e SHBA-së në Tiranë e ka cilësuar këtë moment si fillimin e një kapitulli të ri, duke theksuar rëndësinë e bashkëpunimit mes dy vendeve.f
“Një kapitull i ri nis në Shqipëri! Trupa e Marinsave të Shteteve të Bashkuara ngriti flamurin amerikan në rezidencën zyrtare, teksa Ambasadori Wendt nis detyrën e tij”, thuhet në njoftimin e ambasadës.
Në vijim, ambasada thekson se, nën udhëheqjen e Presidentit Donald Trump, aleancat amerikane janë më të forta kur vendet qëndrojnë së bashku, ndajnë përgjegjësitë dhe punojnë për një të ardhme më të sigurt dhe më të begatë./Versus.al
