Kryeministri izraelit Benjamin Netanyahu ka paralajmëruar se kundërshtarët e Izraelit mund të tentojnë të kryejnë sulme përpara zgjedhjeve të Knessetit, të planifikuara për në tetor.
Deklarata u bë të martën nga Baza Ajrore e Tel Nofit, ku Netanyahu u shpreh se ka shenja që sugjerojnë se “armiqtë” e Izraelit mund të ndërmarrin një sulm para zgjedhjeve.
“Ka shenja që tregojnë se përpara zgjedhjeve, armiqtë tanë do të përpiqen të na sulmojnë”, deklaroi Netanyahu, duke shtuar: “Mos u ngatërroni me ne. Krahu ynë i gjatë do t’ju arrijë kudo dhe në çdo kohë”.
Kryeministri nuk specifikoi se cilat grupe apo shtete kishte parasysh me deklaratën e tij.
Paralelisht, lideri i opozitës Yair Lapid kishte kërkuar një takim urgjent me Netanyahun për të marrë informacion mbi kërcënimin e përmendur. Pas refuzimit fillestar nga Zyra e Kryeministrit, Lapid kërkoi një takim katërpalësh me Netanyahun, drejtorin e Shin Bet, David Zini, si dhe kryetarin e Komisionit Qendror të Zgjedhjeve dhe zëvendëskryetarin e Gjykatës Supreme, Noam Sohlberg.
Takimi mes Lapid dhe Netanyahut është caktuar për orën 23:30 të së martës. Para tij pritet të mblidhet edhe kabineti i sigurisë./Versus.al
