Cërrik/ Aksidentoi 14-vjeçaren me motor dhe u largua, arrestohet 18-vjeçari
Një 18-vjeçar është arrestuar, pasi aksidentoi me motomjet një 14-vjeçare në Cërrik.
18-vjeçari drejtonte automjetin pa leje drejtimi dhe pas aksidentit u largua nga vendi i ngjarjes.
Ngjarja ndodhi mesditën e sotme në fshatin Shalës, ndërsa e mitura u transportua në spital dhe ndodhet nën kujdesin e mjekëve.
“Specialistët e Qarkullimit Rrugor arrestuan në flagrancë shtetasin A. N., 18 vjeç, banues në Belsh, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ky shtetas dyshohet se sot, rreth orës 13:10, në fshatin Shalës, duke drejtuar motomjetin, pa leje drejtimi, ka aksidentuar një 14-vjeçare dhe u largua nga vendi i ngjarjes. Falë reagimit në kohë dhe veprimeve të shpejta të shërbimeve të Policisë, u bë i mundur identifikimi, lokalizimi, kapja dhe arrestimi i 18-vjeçarit.
Ndërkohë, 14-vjeçarja është transportuar dhe ndodhet në spital, në kujdesin e mjekëve.
Materialet procedurale do t’i referohen Prokurorisë, për veprime të mëtejshme”, njoftoi policia.
/vizionplus.tv
