Një aksident ka ndodhur mesditën e sotme në fshatin Shalës të Cërrikut, ku një 14-vjeçare është aksidentuar nga një 18-vjeçar, i cili drejtonte motomjetin pa leje drejtimi.
Sipas njoftimit të policisë, 18-vjeçari A. N., banues në Belsh, pas aksidentit është larguar nga vendi i ngjarjes. Policia ka bërë identifikimin, lokalizimin, kapjen dhe arrestimin e 18-vjeçarit.
Ndërsa e mitura është transportuar me urgjencë në spital, ku ndodhet nën kujdesin e mjekëve.
Njoftimi i Policisë:
Aksidentoi një 14-vjeçare me motomjetin që drejtonte pa leje drejtimi dhe u largua nga vendi i aksidentit, identifikohet dhe arrestohet 18-vjeçari. Specialistët e Qarkullimit Rrugor arrestuan në flagrancë shtetasin A. N., 18 vjeç, banues në Belsh, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ky shtetas dyshohet se sot, rreth orës 13:10, në fshatin Shalës, duke drejtuar motomjetin, pa leje drejtimi, ka aksidentuar një 14-vjeçare dhe u largua nga vendi i ngjarjes. Falë reagimit në kohë dhe veprimeve të shpejta të shërbimeve të Policisë, u bë i mundur identifikimi, lokalizimi, kapja dhe arrestimi i 18-vjeçarit. Ndërkohë, 14-vjeçarja është transportuar dhe ndodhet në spital, në kujdesin e mjekëve.
Materialet procedurale do t’i referohen Prokurorisë, për veprime të mëtejshme.
Sondazh
Lexo gjithashtu
