‘Qeveri e krimit’/ Protestuesit nisin marshimin drejt Kryeministrisë në ditën e 122-të

Sot shënohet dita e 122-të e protestës, me qytetarët që kanë nisur marshimin drejt Kryeministrisë.

Qytetarët janë nisur nga Sheshi “Skënderbej” dhe po marshojnë në drejtim të Bulevardit “Dëshmorët e Kombit”, ndërsa pritet që tubimi të vijojë përpara Kryeministrisë.

Gjatë marshimit dëgjohen thirrje kundër qeverisë dhe kryeministrit Rama, ndërsa protestuesit mbajnë flamuj dhe pankarta në duar.

“Rama jepe dorëheqjen”, “Qeveri e krimit’” dhe thirrje të tjera janë dëgjuar nga turma gjatë marshimit drejt Kryeministrisë.

Pas mbërritjes përpara Kryeministrisë, priten fjalimet e aktivistëve dhe qytetarëve pjesëmarrës në protestën e 122-të.

Protesta vijon prej 122 ditësh, ndërsa pjesëmarrësit kanë deklaruar se do të vazhdojnë tubimet dhe marshimet në ditët në vijim.