Mbrëmje poetike në Durrës me dyzet vite të krijimtarisë së Preç Zogaj, interpretuan Yllka Mujo, Luiza Xhuvani dhe Elia Zaharia

Dyzet vite poezi të Preç Zogaj u ngjitën në skenën e Durrësit përmes zërave të tre aktoreve të mirënjohura të skenës dhe kinematografisë shqiptare.

Yllka Mujo, Luiza Xhuvani dhe Elia Zaharia sollën para publikut durrsak vargjet e Preç Zogajt në recitalin “Në çdo pasqyrë na sheh mëkati”, një përzgjedhje nga krijimtaria e tij përgjatë katër dekadave. Recitali poetik u zhvillua në Qendrën Kulturore të Fëmijëve, me mbështetjen e Bashkisë Durrës, në praninë e autorit dhe botuesit Henri Çili.

Përmes interpretimit artistik, vargjet e Zogajt morën një tjetër dimension, duke sjellë te publiku lirizmin, dashurinë, reflektimin dhe tonet melankolike që përshkojnë krijimtarinë e tij.

Mbrëmja u shoqërua edhe me ccaste muzikore. Studentja e talentuar Keris Babliku interpretoi ndër të tjera në kitarë dhe këngën “Sytë e tu”, me tekst të Preç Zogajt.

Poezia, zëri dhe muzika u ndërthurën në një mbrëmje kushtuar katër dekadave të krijimtarisë së Preç Zogajt, duke sjellë në Durrës një përzgjedhje nga bota e tij poetike dhe një takim të veçantë mes vargut dhe publikut. A.K./TemA

"Rrënjë që nuk Thyhen". Flora Selfo si deshmitare e diktatures

17:36 Kulturë

Muzeu Marubi pjesë e nismës Archivi Aperti

17:22 Kulturë

Libra të dëbuar

16:57 Kulturë

Rryma dhe lirika në letërsinë shqipe: Rasti i Mjedjes, Migjenit dhe Palit

15:52 Kulturë

Sartre dhe intelektualët e padukshëm

15:24 Kulturë

Marrëveshje për trashëgiminë kulturore mes IKTK dhe Kryegjyshatës Bektashiane

15:21 Kulturë

Prezantohet në Berat ekspozita e trashëgimisë kulturore

13:20 Kulturë

Kush jemi kur ndërtojmë?

11:30 Kulturë 1 koment

“Mimoza Llastica” restaurohet në 4K

11:16 Kulturë

Kryepiskopi Joan për ditën e emrit merr urime dhe vlerësime nga Primatët e lartë të Kishave

09:53 Kulturë 2 komente