Formacionet zyrtare/ Maran bën disa ndryshime, si rreshtohet Shqipëria ndaj San Marinos

Shqipëria luan këtë të martë ndeshjen e dytë në Ligën e Kombeve, me kuqezinjtë që përballen me San Marinon në transfertë.

Pas fitores 2-0 ndaj Bjellorusisë në ndeshjen e parë, skuadra e Rolando Maranit kërkon një tjetër rezultat pozitiv për t’iu afruar objektivit të vendit të parë në grup.

Për Shqipërinë, përballja me San Marinon vjen pas fitores së regjistruar në ndeshjen e parë të kësaj fushate.

Kuqezinjtë fituan 2-0 ndaj Bjellorusisë, me Kristjan Asllanin që shënoi nga pika e bardhë në minutën e 34-t dhe Ernest Muçin që dyfishoi shifrat në fundin e pjesës së parë.

Bilanci i Shqipërisë ndaj San Marinos është pozitiv. Dy skuadrat janë përballur katër herë dhe në të katër rastet fitorja ka shkuar për kuqezinjtë.

Pak minuta para fillimit janë zbuluar edhe formacionet zyrtare të dy kombëtareve.

FORMACIONET ZYRTARE

SAN MARINO: Colombo, Benvenuti, Rossi, Cevoli, Giocondi, G. Capicchioni, Mularoni, L. Capicchioni, Lazzari, Pancotti, Nanni.

SHQIPËRIA: Sherri; Sina, Gjimshiti, Ismajli, Sina; Mitaj, Shehu, Asllani, Uzuni, Mehmeti, Muçi, Manaj.