“Si je?, ende gjallë”, këto kanë qenë mesazhet e fundit të Ferdinand Nokajt, 25-vjeçarit me origjinë shqiptare, i lindur në Fano të Italisë dhe që jetonte me familjen në Colli al Metauro.

I riu jetonte prej pesë vitesh në Rovereto, ku studionte psikologji në universitet. Mesazhi i fundit është dërguar në orën 19:16 të 30 gushtit. Pas kësaj, Ferdinandi nuk është përgjigjur më.

Të nesërmen, vëllai i tij denoncoi zhdukjen te karabinierët e Fanos. Pesë ditë më vonë, më 5 shtator, trupi i një të riu u gjet në brigjet e lumit Adige, në Grumo, në territorin e komunës së San Michele all’Adige, rreth 42 kilometra larg Roveretos.

Për rreth tre javë, familja nuk e dinte se trupi i gjetur ishte ai i Ferdinandit. Prindërit vijuan kërkimet, ndërsa babai udhëtonte vazhdimisht drejt Trentos dhe Roveretos, pa e ditur se i biri ndodhej në morgun e spitalit Santa Chiara.

Vetëm më 25 shtator, babai arriti të identifikonte trupin e pajetë të djalit të tij, përmes fytyrës dhe një tatuazhi në gjoks.

“Më kanë sulmuar”, mesazhet e fundit të 25-vjeçarit

Tre orë para mesazhit të fundit “Ende gjallë”, Ferdinandi kishte kontaktuar familjen dhe u kishte treguar se ishte sulmuar në Rovereto nga disa djem shqiptarë.

Sipas familjes, në fytyrën e tij kishte shenja të dukshme dhe ai ishte i frikësuar. Babai i kishte kërkuar të shkonte menjëherë te karabinierët.

“Kjo është ajo që po mendoj të bëj, babi”, i ishte përgjigjur Ferdinandi.

Megjithatë, nuk rezulton që ai të jetë paraqitur te karabinierët. Në orën 17:21 kishte komunikuar sërish me vëllain e tij, këtë herë nga stacioni hekurudhor i Roveretos. Vëllai mendon se Ferdinandi mund të ketë pasur ndërmend