Kontrolli i tre furgonëve të ndaluar pranë bazës ajrore RAF Fairford, në perëndim të Anglisë, zbuloi benzinë, por asnjë pajisje shpërthyese, njoftoi Policia Kundër Terrorizmit.
Të lidhura
None found
Pesë burra, shtetas britanikë dhe në të 20-at, u ndaluan fillimisht për dyshime mbi vepra që lidhen me eksplozivët. Më pas, ndaj tyre u ngritën dyshime për vepra terroriste.
Furgonët u vunë re herët të dielën, duke shkaktuar një incident të rëndë sigurie pranë bazës, e cila drejtohet nga ushtria amerikane.
Të hënën, pesë të arrestuarit u liruan me kusht. Policia e cilësoi këtë një “vendim hetimor”, të mbështetur te përvoja dhe strategjia e ndjekur në hetim.
Ngjarja ndodhi pasi Sekretari i Shtetit i SHBA-së, Marco Rubio, tha se ishte e qartë që në incident ishte përfshirë një “aktor i huaj”.
Sipas Laurence Taylor, kreut të Policisë Kundër Terrorizmit, ndërhyrja e autoriteteve të dielën në mëngjes u bë pas marrjes së “një sërë informacionesh”. Mes tyre ishte një telefonatë nga një qytetar, i cili raportoi “disa automjete që vepronin në mënyrë të dyshimtë” pranë bazës.
Taylor bëri të ditur se policia synon t’i përfundojë “skenat hetimore” deri të mërkurën. Ndërkohë, po vijojnë hetimet për të përcaktuar rrethanat e ngjarjes.
