Fitorja me San Marinon, Maran: Pjesa e parë më pëlqeu, bëmë mjaftueshëm

Trajneri i Shqipërisë, Rolando Maran, foli pas ndeshjes, ku Shqipëria fitoi 3-0 ndaj San Marinos.

Sipas tij, pjesa e parë ishte pozitive, ndërsa në të dytën fokusi ishte tek menaxhimi.

“Pjesa e parë më ka pëlqyer sepse ishim më kërkues. Pjesa e dytë, fokusi ishte te menaxhimi. Disa lojtarë ishin me kartonë dhe nuk donin të rrezikonin. Ndoshta në pjesën e dytë e kishim pak mendjen te ndeshja ndaj Finlandës. Besoj se kemi bërë mirë. Mendova që në pjesën e dytë t’i jepnim minuta të rinjve.

Pjesa e dytë ishte pak më tepër menaxhim i ndeshjes dhe dëmtimeve. Menduam pak për Finlandën. Ne bëmë mjaftueshëm, sepse kishim 14 goditje në portë. Mund të bënim më tepër, por ishte ndeshje e mirë.

Kemi 7-8 aksione të përsëritura. Kjo do të thotë se lojtarët e kanë kuptuar filozofinë që unë dua. Është Kombëtare që ka ritëm dhe kjo më pëlqen.”, deklaroi Maran për Tv Klan.