Tiranë- Një aksident tragjik ka ndodhur mbrëmjen e së martës në Pezë ku një 15 vjeçar ka humbur jetën si pasojë e një aksidenti tragjik.
I mituri kishte marrë automjetin pa lejen e të atit për të dalë xhiro me shokun e tij 16 vjeçar. Teksa drejtonte makinën, 15 vjeçari dyshohet se humbi kontrollin dhe doli nga rruga duke përfunduar në kanal. Automjeti u përmbys.
Për pasojë ai humbi jetën në vend, ndërsa shoku i tij u transportua në spital për të marrë ndihmë mjekësore dhe raportohet se ndodhet jashtë rrezikut për jetën. Policia po merret me hetimin e plotë të rrethanave të aksidentit. Versus.al
Poll
