Shqiptarët e Luginës me listë të përbashkët për zgjedhjet në Serbi

Përfaqësuesit e subjekteve politike shqiptare nga Presheva, Bujanoci dhe Medvegja kanë arritur marrëveshje për listën e përbashkët “Koalicioni Shqiptar”, për zgjedhjet parlamentare të 25 tetorit në Serbi.

Marrëveshja u arrit këtë të mërkurë në Zyrën e Kryeministrit të Kosovës, pas bisedave mes përfaqësuesve politikë shqiptarë të Luginës.

Kryeministri Albin Kurti tha se, pas përpjekjeve për afrim të qëndrimeve, vullneti për bashkëpunim mori formën e një zotimi të përbashkët.

Ai falënderoi kryetarët e subjekteve politike Shaip Kamberin nga PVD, Visar Memetin nga APN, Nagip Arifin nga PD, Agim Sabedinin nga PDSH, Shqiprim Musliun nga LPD, Sami Salihun nga LR, Armend Aliun nga AL dhe Naser Azirin nga UDSH.

Kurti tha se ata treguan gatishmëri që, përtej dallimeve, të ndajnë përgjegjësinë ndaj qytetarëve.

Ai falënderoi edhe kryetarin e Këshillit Kombëtar Shqiptar, Enkel Rexhepin, kryetaren e Komunës së Preshevës, Ardita Sinanin, kryetarin e Komunës së Bujanocit, Arbër Pajazitin, si dhe përfaqësues nga Medvegja e Pazari i Ri.

Sipas Kurtit, bashkimi politik te “Koalicioni Shqiptar” nuk është i mjaftueshëm, pasi sipas tij, asimetria e të drejtave është padrejtësi.

“Serbët në Kosovë i kanë të garantuara 10 nga 120 ulëset në Kuvendin e Republikës së Kosovës, e me këtë qasje, shqiptarët e Preshevës, Bujanocit dhe Medvegjës do të duhej të kishin së paku 5 vende të garantuara në Parlamentin e Serbisë, i cili numëron 250 ulëse”, tha Kurti.

Ai shtoi se përfaqësimi i garantuar duhet të vlejë si në Kosovë, ashtu edhe në Serbi, me respekt të njëjtë për barazinë dhe të drejtat.

Kurti përmendi mbrojtjen nga pasivizimi diskriminues i adresave, përfaqësimin e drejtë në institucione publike dhe zhvillimin ekonomik si çështje me rëndësi për shqiptarët e Luginës së Preshevës.

Ai tha se gjuha, kultura, simbolet dhe kujtesa janë pjesë e identitetit shqiptar dhe e përgjegjësisë ndaj brezave të ardhshëm.

“Republika e Kosovës do të vazhdojë t’u qëndrojë pranë shqiptarëve të Preshevës, Bujanocit dhe Medvegjës, për të drejtat, identitetin dhe mirëqenien e tyre”, tha Kurti.

Rriten tensionet? Bullgaria thërret të ngarkuarin me punë të RMV-së lidhur me refuzimin e hyrjes në vend të një deputeti

08:55 Rajoni

Identifikohen dy të zhdukur nga lufta në Kosovë/ Dalin përgjigjet e ADN, jo nga “Grupi i Intelektualëve”

21:40 Rajoni

Dodik takon Putinin në Moskë pesë ditë para zgjedhjeve në Bosnje

20:50 Rajoni

Aktakuza ndaj liderëve të UÇK-së, zbulohen emrat e gjyqtarëve në panelin e Apelit

17:45 Rajoni 1 koment

Maqedonia e Veriut: Kemi shkatërruar një grup të lidhur me organizatën terroriste IS-in

17:15 Rajoni 6 komente

OVL-UÇK paralajmëron protesta nëse nuk procedohen ndryshimet për Gjykatën Speciale

14:15 Rajoni 6 komente

Prattipati takon komandantin e KFOR-it, SHBA riafirmon mbështetjen për stabilitetin në Kosovë dhe rajon

10:45 Rajoni 2 komente

Analiza: Çfarë i karakterizoi 14 vitet e Vuçiç në pushtet?

22:20 Rajoni

Edhe Greqia ndjek modelin italian, qendër riatdhesimi për emigrantët në një vend afrikan!

21:40 Rajoni 5 komente

Athina mohon kërcënimin e ambasadores amerikane për rrëzimin e qeverisë greke

21:30 Rajoni 3 komente