Skandali i SHISH-it/ Tjetër mbledhje e Këshillit të Sigurisë Kombëtare

Këshilli i Sigurisë Kombëtare mund të rimblidhet brenda pak javësh.

Siç deklaroi sot Bledi Çuçi ndërsa kryesonte Komisionin e Sigurisë, një mbledhje e radhës mund të përfshijë diskutimet nga një auditim i thellë, porosi e lënë nga takimi i së hënës.

Edhe në mbledhjen e ardhshme, çështja e SHISH-it do të ridiskutohet në aspektin e funksionimit dhe një trajtimi më të gjerë.

“Në lidhje me këtë çështje, Presidenti mblodhi Këshillin e Sigurisë Kombëtare të hënën dhe aty pati një informacion paraprak nga SHISH. Po në Këshill u la detyra që të bëhet sa më shpejt një auditim i thellë në lidhje me ndonjë pasojë të mundshme, nëse ka, për funksionimin e SHISH dhe besoj se shumë shpejt do të kemi një mbledhje të Këshillit të Sigurisë Kombëtare, ku do të diskutohet edhe më gjerësisht pasi të jetë bërë ky auditim”,-tha Çuçi./CNA