Policia gjermane bastis disa lokale, shpërndanin muzikë neonaziste

Policia ka bastisur lokale në Gjermani dhe disa vende të tjera europiane në një operacion që synon shpërndarjen e muzikës neonaziste.

Autoritetet në shtetin verilindor gjerman të Mecklenburg-Pomeranisë Perëndimore thanë se bastisjet u kryen në të gjithë Gjermaninë, si dhe në Estoni, Itali, Poloni dhe Republikën Çeke. 

Katër nga të dyshuarit, ambientet e të cilëve u kontrolluan, akuzohen për anëtarësim në një organizatë kriminale të ekstremit të djathtë që përhap një "ideologji nacionalsocialiste (naziste), antisemite, raciste dhe çnjerëzore" duke prodhuar dhe shitur muzikë që e promovonte atë. 

Tetë të dyshuar të tjerë të shënjestruar nga operacioni besohet se kanë kryer vepra penale të gjuhës së urrejtjes të lidhura me regjistrimet audio të prodhuara nga organizata e dyshuar kriminale.

Shtëpitë e 10 personave të tjerë të lidhur me të dyshuarit u bastisën gjithashtu. 

Më shumë se 390 oficerë policie u vendosën në dispozicion gjatë operacionit, të drejtuar nga zyra e policisë kriminale shtetërore në Mecklenburg-Pomerania Perëndimore./dw