Te fundit
Universi i “Game of Thrones” do të zgjerohet: Vjen filmi për Aegon Targaryen
30 Shtator 2026, 15:34Kulturë
TEMA
Universi i “Game of Thrones” do të zgjerohet për herë të parë në ekranin e madh. Warner Bros. ka njoftuar se filmi i parë artistik i ekskluzivitetit, “Game of Thrones: Aegon’s Conquest”, do të shfaqet në kinema më 6 qershor 2029, raporton “Variety”.
Filmi do të rrëfejë historinë e Aegon I Targaryen, themeluesit të dinastisë Targaryen dhe pushtuesit të Westerosit, duke u kthyer disa shekuj para ngjarjeve të serialit origjinal të HBO-së.
Aegon Targaryen nuk është shfaqur ende në ekran, por është përmendur në disa prej produksioneve të lidhura me universin e “Game of Thrones”. Së bashku me motrat e tij dhe njëkohësisht gratë, Visenya dhe Rhaenys, si dhe me ndihmën e tre dragonjve, Aegoni pushtoi një pjesë të madhe të Westerosit dhe vendosi themelet e sundimit të dinastisë së tij.
Regjinë e filmit do ta marrë përsipër Owen Harris, i cili ka punuar edhe në serialin “A Knight of the Seven Kingdoms”, ndërsa skenari do të shkruhet nga Bo Willimon, krijuesi i “House of Cards” dhe skenaristi i “Andorra”.
Warner Bros. ende nuk ka bërë të ditur kastin e filmit, përfshirë aktorin që do të interpretojë Aegon Targaryen. Studioja gjithashtu nuk ka zbuluar detaje të tjera të subjektit përtej historisë së përgjithshme të pushtimit të Westerosit.
“Aegon’s Conquest” do të jetë filmi i parë i ekskluzivitetit “Game of Thrones”, i cili deri tani është zgjeruar kryesisht përmes serialeve spin-off. Ndërkohë, HBO po punon edhe për sezonin e katërt të “House of the Dragon” dhe sezonin e dytë të “A Knight of the Seven Kingdoms”. A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje