Videot intime në rrjet/ Sula: Sjellje e dhunshme si përgjimet e diktaturës, mos i klikoni

Drejtuesja e Autoritetit të Dosjeve, Gentiana Sula, ka reaguar lidhur me disa video intime që po qarkullojnë së fundmi në internet.

Sipas Sulës, hyrja pa leje në jetën private të një njeriu është një sjellje e urryeshme dhe e dhunshme.

Ajo paralelizon klikimin nga kureshtja, ruajtjen, dërgimin apo shakatë rreth videove të tilla me përgjimet, fotografimet dhe survejimet në kohën e diktaturës.

Reagimi i plotë:

Në dosjet e Sigurimit kemi parë çfarë do të thotë të hysh pa leje në jetën private të një njeriu. Dikur bëhej me përgjime, fotografime e survejim. E urryem atë sjellje. Le ta urrejmë dhe sot kur qindra njerëz shtypin “share”.

Mos kliko nga kureshtja. Mos e ruaj. Mos e dërgo. Mos bëj screenshot. Mos bëj shaka.

Kjo është dhunë.

Mos u bëj pjesë e së keqes./CNA