Një zjarr i fuqishëm ka rënë pasditen e sotme (30 shtator) në një pikë grumbullimi skrapi në zonën e Fllakës, në Durrës.
Subjekti shërben për përpunimin dhe trajtimin e materialeve të hekurit.
Situata ka dalë nga kontrolli prej më shumë se një ore, ku dallohen shtëllunga të mëdha tymi që mbulojnë zonën, tym i zi dhe flakë të fuqishme.
Në vendngjarje kanë mbërritur shërbimet zjarrfikëse, të cilat po punojnë për izolimin dhe shuarjen e flakëve.
Në ambiente dëgjohen edhe shpërthime që vijnë për shkak të materialeve atje por nuk raportohet për të lënduar.
Ndërkohë ende nuk dihen shkaqet e zjarrit.
