Presidentja e Komisionit Evropian, Ursula Von der Leyen ka mbërritur në Kryeministri në kuadër të turit të saj në Ballkanin Perëndimor.
Diplomatja e lartë evropiane është mirëpritur nga Kryeministri Edi Rama me një ceremoni zyrtare, ndërsa më pas pritet të zhvillojnë takimin.
Von der Leyen, sipas agjendës të bërë publike nga Kryeministria, Ursula Von der Leyen përreth një orë do bisedojë kokë më kokë me kryeministrin.
Më pas, rreth orës 18:00, do mbahet dhe konferenca e përbashkët për shtyp me praninë e gazetarëve.
Ndërkohë teksa Ursula Von der Leyen po mban takimin me Ramën, jashtë ambienteve të kryeministrisë qytetarët janë mbledhur në protestë.
Protestuesit mbajnë disa pankarta nëpër duar, përmes të cilave shprehen se e dëshirojnë integrimin në BE, por jo me qeveritarë të korruptuar.
“Jo BE me Edi Ramën”, “Shqipëria nuk është në shitje” thuhet në disa pankarta.
