Një tjetër celebrity beauty brand po largohet nga tregu. The Outset, marka e skincare e bashkëthemeluar nga Scarlett Johansson, ka mbyllur aktivitetin pas rreth katër vitesh. Marka u lançua në vitin 2022 nga Johansson dhe Kate Foster, me një filozofi të fokusuar te rutina e thjeshtë dhe produktet e buta për lëkurën.
The Outset nisi me vetëm pesë produkte dhe më pas e zgjeroi linjën në rreth 14. Produktet e saj arritën në retailerë të mëdhenj si Sephora, Nordstrom dhe Goop, ndërsa vetë kompania u përpoq që identiteti i markës të mos mbështetej vetëm te fama e Johansson. Megjithatë, dyqani online tashmë është mbyllur dhe kompania ka njoftuar se porositë ekzistuese do të përmbushen.
Mbyllja është interesante edhe për industrinë e beauty-t në tërësi. Për disa vite, krijimi i një marke skincare apo makeup-i u bë pothuajse një hap standard për personazhet e famshëm. Por një audiencë e madhe nuk garanton domosdoshmërisht që konsumatori do të vazhdojë të blejë produktin pasi kurioziteti fillestar të ketë kaluar.
The Outset nuk është e vetmja markë e mbështetur nga një celebrity që është tërhequr së fundmi. Industria po hyn në një fazë ku produkti, çmimi, shpërndarja dhe besnikëria e klientit duhet të funksionojnë edhe kur emri i famshëm hiqet nga ekuacioni.
