Von der Leyen: Zgjerimi është proces me dy kahe, BE-ja duhet të jetë gati të presë anëtarët e rinj
Presidentja e Komisionit Europian, Ursula von der Leyen, theksoi rëndësinë e bashkëpunimit mes bizneseve shqiptare dhe atyre të Bashkimit Europian, duke nënvizuar se procesi i zgjerimit është një rrugë me dy kahe.
Gjatë konferencës së përbashkët me kryeministrin Edi Rama, von der Leyen tha se edhe BE-ja duhet të jetë gati për të mirëpritur anëtarët e rinj, ndërsa theksoi rëndësinë e vlerave demokratike dhe sundimit të ligjit.
Ajo kujtoi gjithashtu ndihmën e BE-së pas tërmetit të vitit 2019, duke bërë me dije se përmes programit europian janë rikonstruktuar 63 shkolla në Shqipëri.
Ursula von der Leyen: Sa i përket bizneseve, dhe bashkëpunimin mes bizneseve të BE dhe atyre shqiptare, po ecin shumë mirë. Mesazhi ynë i fundit është ky, zgjerimi është proces me dy kahe, edhe Bashkimi Evropian duhet të jetë gati që të presë anëtarët e rinj. Javën tjetër do kemi rishqyrtim për zgjerimin. Ne do të përcaktojmë edhe udhërrëfyesët, që vlerat demokratike dhe sundimi i ligjit të vazhdojnë. Nesër do vizitojmë shkollën “Emin Duraku”. Kur tërmeti goditi vendin në 2019, unë u thashë që do qëndrojmë krah jush. U rikonstruktuan 63 shkolla përmes programit tone, shkolla që mirëpresin dhe edukojnë një brez të ri.
/vizionplus.tv
