Një aksident i rëndë ka ndodhur pasditen e sotme në aksin rrugor Shkodër-Lezhë, në zonën e Kryebushatit.
Ngjarja është regjistruar rreth orës 15:30 dhe në të janë përfshirë dy automjete. Njëri prej tyre drejtohej nga një 67-vjeçar me shtetësi franceze, me inicialet P. L., ndërsa automjeti tjetër nga 83-vjeçari Gjon Nikaj, banues në Shkodër.
Përplasja ka shkaktuar plagosjen e rëndë të 83-vjeçarit, i cili u transportua me urgjencë drejt Spitalit Rajonal të Shkodrës. Pavarësisht ndihmës mjekësore, ai nuk ka mundur t’u mbijetojë plagëve të marra dhe ka ndërruar jetë.
Ndërkohë, drejtuesi tjetër i automjetit është shoqëruar në ambientet e Drejtorisë Vendore të Policisë Shkodër, ku pritet të kryhen procedurat e mëtejshme.
Në vendngjarje ndodhet grupi hetimor, i cili po punon për të përcaktuar shkaqet dhe rrethanat e aksidentit.
Sondazh
Lexo gjithashtu
