SHBA tërheq forcat e fundit nga Iraku, Trump: Ditë e madhe për Amerikën
Presidenti amerikan Donald Trump ka bërë të ditur se forcat e fundit amerikane po largohen nga Iraku, duke deklaruar se Operacioni Inherent Resolve, fushata e udhëhequr nga SHBA kundër Shtetit Islamik e nisur në vitin 2014, ka përfunduar nën udhëheqjen e tij.
“Kjo është një ditë e madhe për Amerikën Ne erdhëm për të luftuar një kalifat. Nuk ka më kalifat. Po shkojmë në shtëpi!”, shkroi Trump në Truth Social.
Sipas presidentit, largimi i forcave të koalicionit dhe i pajisjeve nga baza ajrore e Erbil-it u krye në mënyrë të rregullt. Ai e cilësoi këtë si “fundin e një ekskursioni shumë të shtrenjtë në ferr”.
Trump ia hodhi fajin “vendimmarrjes shumë të keqe” që tërhoqi Shtetet e Bashkuara në Irak në vitin 2003 nën presidentin George W. Bush dhe kritikoi administratat e Obama-s dhe Biden-it për vazhdimin e misionit.
Ai vlerësoi gjithashtu kryeministrin e ri të Irakut, Ali al-Zaidi, duke e quajtur “dikë që unë e mbështeta që në fillim dhe e mbështeta plotësisht”.
“Unë kisha zgjedhjen të qëndroja ose të largohesha,” tha Trump, “dhe ndjeva, pa asnjë dyshim, se ishte koha që Amerika të kthehej në shtëpi.”
