Kreu i Grupit Parlamentar të Partisë Socialiste, Taulant Balla, është shprehur kundër përdorimit të instrumenteve të kontrollit parlamentar për çështjen e ish-drejtores së SHISH, Vlora Hyseni, duke argumentuar se hetimet duhet t’i lihen SPAK-ut dhe gjykatës.

Gjatë mbledhjes së Konferencës së Kryetarëve, ku po shqyrtohet kërkesa e Partisë Demokratike për mocion me debat lidhur me ish-kreun e SHISH, Balla tha se Kuvendi nuk mund të zëvendësojë organet e drejtësisë në verifikimin e provave apo përcaktimin e përgjegjësive penale.

Ai iu referua edhe deklaratës së një dite më parë të presidentes së Komisionit Evropian, Ursula von der Leyen, sipas së cilës hetimi i çështjeve të tilla është tregues se sistemi i drejtësisë po funksionon. Balla tha gjithashtu se deri tani nuk ka shqetësime nga partnerët ndërkombëtarë lidhur me sigurinë kombëtare.

Qëndrimi i Kryetarit të Grupit Parlamentar të PS, Taulant Balla në Mbledhjen e Konferencës së Kryetarëve:

Lidhur me hetimet mbi ish-drejtoren e Shërbimit Informativ ne presim që çdo dyshim i organit të akuzës të hetohet dhe zbardhet deri në fund nga SPAK, të cilët duhen lënë të bëjnë punën e tyre pa asnë ndërhyrje apo mbivendosje, përmes procesit të pavarur të hetimit dhe të gjykimit. Rruga pa kthim që kemi zgjedhur është rruga e pavarësisë së organeve të drejtësisë për të hetuar e gjykuar këdoqoftë, pavarësisht statusit social apo funksionit publik. Sipas jurisprudencës së konsoliduar tanimë të Gjykatës Kushtetuese, Kuvendi nuk mund të përdorë instrumentet e kontrollit parlamentar për të dubluar ose zëvendësuar kompetencat e prokurorisë, për të verifikuar prova, për të përcaktuar fakte penale apo përgjegjësi individuale.

Falë kësaj shumice qeverisëse, me kurajo e me vendosmëri i është hapur rruga drejtësisë së pavarur, në një vend ku deri para shumë pak vitesh kjo pavarësi ishte e paimagjinueshme prej shekujsh.

As mund të jenë këto zhvillime me drejtësinë baltë kundër Shqipërisë, e cila po bën në rrugën e saj të bashkimit me Europën shumëçka që as nuk mund të imagjinohet akoma në vendet e tjera të rajonit dhe që koha do ta çmojë më mirë se sa kushdo.

Jo më larg se dje Ursula von der Leyen konfirmoi “Kur shohim çështje të cilat po hetohen, ato janë prova që sistemi po funksionon. Ky është fuqizimi i sistemit”. Prandaj ta lemë sistemin të bëjë punën e vet. Asnje instrument kontrolli parlamentar, nga mocioni me debat deri tek komisioni hetimor parlamentar, nuk mund ta zëvendësojë, ta ndikojë, ta kushtëzojë apo pengojë hetimin e plotë dhe të pavarur nga prokurorët e SPAK. Dua të ripërsëris këtu se çdo sulm personal ndaj prokurorëve të SPAK, të cilët meritojnë respekt për punën e tyre, duhet të ndalet. Rituali i turpit në dy të hëna të muajit nga një i pandehur para dyerve të SPAK, duhet të ndalet. Forca politike, brenda së cilës militon ky person, duhet ta bëjë debatin e parë brenda vetes për këtë çështje.

Çdokush është i pafajshëm deri në gjykimin përfundimtar po askush nuk është mbi ligjin në asnjë rast e për asnjë arsye. Qëndrimi ynë mbetet ai që kemi thënë ditën e parë të Reformës në Drejtësi:

Pafajësia ose fajësia e një zyrtari, edhe pse i propozuar, mbështetur apo votuar prej nesh, i vendosur nën akuzë është një çështje individuale përballë prokurorisë e gjykatës dhe kjo shumicë qeverisëse, i mbetet besnike këtij qëndrimi duke mos hyrë në meritën e asnjë çështjeje të drejtësisë dhe duke mos bërë avokatinë e askujt që përballet me drejtësinë.

Shkarkimi i menjëhershëm dje nga detyra i drejtores së shërbimit ishte pikërisht shembulli i kësaj qasje nga ana jonë. Ndërkohë që të gjitha institucionet që ngarkon ligji:

Kryeministri → varësia institucionale
Komisioni i Kuvendit për Çështjet e Brendshme dhe të Mbrojtjes → mbikëqyrja parlamentare
Presidenti → raportim + kompetenca mbi drejtimin
Inspektori i Përgjithshëm → inspektim i veprimtarisë
KLSH/Auditimi → kontroll financiar
Prokuroria/Gjykata → kontroll ligjor/judicial në fushat përkatëse

Kjo është një çështje që unë i duhet lënë prokurorisë dhe gjykatës, jo leximit sporadik të materialeve hetimore që nxirren për të bërë çorap opinionin publik. Procesi do të tregojë nëse ka apo jo gjëra që kanë cenuar çfarëdoqoftë në lidhje me sigurinë kombëtare apo në lidhje me partnerët tanë.

Deri më tani nuk ka asnjë shqetësim nga partnerët.

Lini një Përgjigje

VIDEO/ Rama ndan momente nga pritja e Ursula von der Leyen në Kryeministri

08:30 Politika

Arresti i ish-kreut të SHISH, Konferenca e Kryetarëve shqyrton kërkesën e PD për mocion me debat

08:20 Politika 2 komente

Nga fuqizimi i sistemit të drejtësisë te roaming-u falas, të gjitha mesazhet e Von der Leyen: Shqipëria po ecën shumë mirë, anëtarësimi do të bazohet në merita

21:30 Politika 4 komente

“Ambicia jonë është të ruajmë ritmin”/ Presidenti Begaj takim me Ursula von der Leyen: Biseda u fokusua mbi procesin e integrimit të Shqipërisë në BE

20:35 Politika

Deputeti socialist: PS nuk mbron askënd që përballet me Drejtësinë! Numri i lartë i të paraburgosurve, ka tmerruar Këshillin e Europës

20:15 Politika 5 komente

Von der Leyen për hetimet në Shqipëri: Sistemi po funksionon, është fuqizuar/ Rama: Përgjegjësia ime politike është një: reforma në drejtësi!

18:55 Politika 13 komente

“Kemi gati udhërrëfyesin për integrimin”/ Presidentja e KE: Shqipëria mes vendeve me përparimin më të madh, ja çfarë i thashë Ramës pas tërmetit të 2019

18:45 Politika 1 koment

“Prokuroria dhe gjykata të bëjnë punën e tyre”, Rama për hetimet për Vlora Hysenin: Materialet nuk kanë shkaktuar asnjë shqetësim te partnerët tanë (VIDEO)

18:40 Politika 2 komente

Von der Leyen: Shqipëria duhet të vijojë reformat, mbi 80% e hapave të Planit të Rritjes janë përmbushur

18:30 Politika 1 koment

“Shqipëria ka bërë një punë fantastike”, Ursula von der Leyen entuziaste për rrugën drejt BE: Tirana, ndër vendet kryesuese në procesin tonë (VIDEO)

18:20 Politika 20 komente