Prokuroria e Fierit ka sekuestruar ditën e sotme 2.6 milionë euro llogari bankare të biznesmenit Kastriot Hasko si dhe një automjet tip ‘Bentley’. Ai akuzohet për veprat penale “Falsifikimi i dokumenteve” dhe “Pastrimi i produkteve të veprës penale ose i veprimtarisë kriminale”.
Ai ndodhet aktualisht me masë sigurimi “Arresti në shtëpi”. Sipas Prokurorisë, dyshohet se përmes vendimeve të falsifikuara ai ka arritur të regjistrojë sipërfaqe të konsiderueshme toke. Në vijim të hetimeve, janë sekuestruar llogari bankare me një vlerë prej 2,610,195 euro, 1,865,076 lekë dhe 7,515 dollarë amerikanë.
