Vizita në Kosovë, Von der Leyen takohet me Haxhiun

Presidentja e Komisionit Evropian, Ursula von der Leyen këtë të enjte ka nisur vizitën e saj në Prishtinë teksa u prit nga ushtruesja e detyrës së presidentes, Albulena Haxhiu.

Sipas mediave në Kosovë, takimi ka nisur 40 minuta me vonesë nga orari i cili ishte njoftuar.  Pas takimit në Presidencë, Von der Leyen pritet të takohet edhe me kryeministrin e Kosovës, Albin Kurti.

Në përfundim të takimit me Kurtin, të dy zyrtarët pritet të mbajnë konferencë për media, ku pritet të flasin për çështjet e diskutuara dhe zhvillimet në raportet mes Kosovës dhe Bashkimit Evropian.

Pas vizitës në Kosovë, von der Leyen do të udhëtojë po më 1 tetor drejt Podgoricës, ndërsa turneu do të përmbyllet më 2 tetor në Shkup.