Administrata e presidentit Donald Trump i ka kërkuar Francës dhe Gjermanisë të nxjerrin në treg një pjesë të rezervave të tyre emergjente të naftës, në përpjekje për të frenuar rritjen e çmimeve në tregjet ndërkombëtare.
Sipas Reuters, Ëashingtoni ka paralajmëruar se nëse kërkesa nuk zbatohet, SHBA mund të vendosë të ndalojë eksportin e dieselit drejt këtyre vendeve. Informacioni vjen nga tre persona të afërt të ulur në diskutime. ShBA-të i kanë kërkuar BE-së të nxjerrë 120 milionë fuçi diesel gjatë gjashtë muajve të ardhshëm. Franca dhe Gjermania janë në qendër të kërkesës amerikane, ndërsa të dyja vendet ende nuk kanë dhënë një përgjigje zyrtare.
Presioni amerikan vjen në një moment kur tregjet globale të karburanteve po përballen me mungesa dhe rritje të çmimeve, ndërsa Europa është bërë më e varur nga importet amerikane të dieselit pas ndalimit të importeve nga Rusia dhe ndërprerjeve të furnizimeve nga Lindja e Mesme.
Në kuadër të diskutimeve për një reagim të përbashkët, Komisioni Europian, Franca, Italia, Irlanda dhe Britania kanë zhvilluar kontakte lidhur me mundësinë e përdorimit të rezervave të dieselit. Sipas të dhënave të Reuters, Franca dhe Gjermania zotërojnë së bashku rreth 35 përqind të rezervave emergjente të dieselit dhe gazolit në BE, që i bën veçanërisht të rëndësishme në çdo vendim për lirimin e rezervave europiane.
Sondazh
Lexo gjithashtu
