Von der Leyen kërkon zgjedhjen e presidentit: Stabiliteti institucional është themeli i gjithçkaje 1 Tetor, 16:0...
Skandali i SHISH/ Përfundon Konferenca e Kryetarëve, rrëzohet kërkesa e opozitës për mocion me debat 1 Tetor, 11...
"Shqipëria kërkon revolucion"/ Mbyllet protesta e 123-të kundër qeverisë, qytetarët në kor: Arrestoni Ram&eum...
"Ligjet zbatohen në mënyrë të pabarabartë"/ DASH ngre shqetësime: Korrupsioni dhe burokracia pengojnë biznesi...
• Presidentja e Komisionit Evropian, Ursula von der Leyen, ka deklaruar nga Prishtina se pavarësia e gjykatës në Hagë duhet të garantohet dhe aktgjykimi dënues ndaj ish-krerëve të UÇK-së duhet të respektohet plotësisht. • Gjatë konferencës së përbashkët me kryeministrin, Albin Kurti, Von der Leyen tha se pavarësisht vendimit, “askush dhe asgjë” nuk mund ta rishkruajë historinë e Kosovës. • Nga ana tjetër, Kurti shprehu shqetësim për konkluzionet të aktgjykimit dhe dënimet e shqiptuara, duke thënë se beson se ato përmbajnë gabime faktike, historike dhe juridike që duhet të korrigjohen në procedurën e apelit. • Ai shtoi se Kosova kërkon drejtësi për të gjitha viktimat e luftës, për çdo krim dhe për çdo kryerës, duke përmendur edhe viktimat e dhunës seksuale gjatë luftës në Kosovë. • Von der Leyen u pyet edhe për nismën për ndryshimin e Ligjit për Dhomat e Specializuara në Kosovë. • Sipas saj, i takon vetë Kosovës të vendosë, por paralajmëroi se është me rëndësi që të garantohet pavarësia e gjyqësorit. • Von der Leyen qëndroi në Kosovë të enjten si pjesë e turnit të saj në Ballkanin Perëndimor, dhe përveç takimit me Kurtin, bisedoi edhe me ushtrues e detyrës së presidentit, Albulena Haxhiun. • Ajo erdhi në Kosovë pas vizitës në Shqipëri dhe pritet ta vazhdojë turneun në Mal të Zi dhe në Maqedoninë e Veriut. • Gjatë këtij turneu, ajo anashkaloi Serbinë dhe Bosnje e Hercegovinën për shkak të zgjedhjeve që këto dy vende do t’i mbajnë në këtë kohë.
3 artikuj për këtë temë.
KOSOVË- Presidentja e Komisionit Evropian, Ursula von der Leyen, ka bërë thirrje për vazhdimin e dialogut ndërmjet partive politike në Kosovë, duke e cilësuar stabilitetin institucional si bazë për zhvillimin e vendit dhe avancimin e tij drejt Bashkimit Evropian.
Duke folur pas takimit me kryeministrin Albin Kurti, Von der Leyen tha se formimi i Kuvendit dhe Qeverisë përbën një hap të rëndësishëm, ndërsa theksoi se hapi i radhës është zgjedhja e presidentit.
“Kuvendi dhe Qeveria janë themeluar, kjo është mirë. Hapi i ardhshëm është zgjedhja e presidentit/es dhe së fundmi po vërejmë se dialogu mes partive politike është i mundur. Ju duhet të vazhdoni në këtë drejtim, sepse stabiliteti institucional është themeli i gjithçkaje”, tha Von der Leyen.
Ajo përsëriti mbështetjen e saj për perspektivën evropiane të Kosovës, duke thënë se beson qartë në të ardhmen e vendit brenda Bashkimit Evropian.
“Unë besoj në të ardhmen evropiane të Kosovës dhe atë qartazi, sepse e di se sa thellësisht ndjehen evropianë populli i Kosovës”, deklaroi Von der Leyen.
Presidentja e Komisionit Evropian foli edhe për mbështetjen financiare përmes Planit të Rritjes, duke thënë se Kosova mund të përfitojë deri në 882 milionë euro. Sipas Von der Leyen, zbatimi i reformave dhe përdorimi i instrumenteve të Planit të Rritjes mund ta afrojë Kosovën me tregun e përbashkët evropian.
“Kosova mund të marrë 882 milionë euro sipas Planit të Rritjes. Keni marrë 62 milionë euro si parafinancim. Plani i Rritjes mund t’ju çojë më afër tregut të përbashkët”, u shpreh presidentja e Komisionit Evropian./Dosja.al
PRISHTINË- Kryeministri i Kosovës, Albin Kurti i ka kërkuar presidentes së Komisionit Evropian, Ursula von der Leyen, mbështetje për avancimin e Kosovës në procesin e Integrimit Evropian, duke theksuar se vendi i plotëson kriteret për statusin e kandidatit dhe hapjen e negociatave.
Sipas tij, Kosova ka pasur një nga rritjet më të shpejta të treguesve demokratikë në rajon, ndërsa ekonomia vazhdon të rritet me rreth 4% në vit dhe borxhi publik mbetet ndër më të ulëtit në Evropë. Ai shtoi se vendi është plotësisht i harmonizuar me politikën e jashtme dhe të sigurisë të Bashkimit Evropian, përfshirë sanksionet ndaj Rusisë.
Kurti tha gjithashtu se Qeveria ka miratuar dhjetë nga 12 ligjet e Planit të Rritjes që kishin afat në qershor dhe paralajmëroi se vonesat në Kuvend mund të rrezikojnë fondet evropiane të dedikuara për reformat.
Duke folur për kërkesat që i parashtroi Von der Leyen, ai tha se ka kërkuar anëtarësimin e Kosovës në Konventën për Tranzitin e Përbashkët, si dhe integrimin në organizatat evropiane të standardizimit dhe në kornizën evropiane të akreditimit.
“Që nga takimi ynë i parë, Kosova ka shënuar përparim të qëndrueshëm në fushën e demokracisë, sundimit të ligjit, luftës kundër korrupsionit dhe mbrojtjes së të drejtave dhe lirive të njeriut. Këta hapa do të mundësonin qarkullimin më të shpejtë dhe me kosto më të ulët të mallrave ndërmjet Kosovës dhe Bashkimit Evropian, si dhe do të lehtësonin qasjen e bizneseve kosovare në tregun unik evropian”, tha Kurti./Dosja.al
PRISHTINË- Presidentja e Komisionit Evropian, Ursula von der Leyen, deklaroi në Prishtinë se vendimi i Dhomave të Specializuara për ish-krerët e UÇK-së duhet të respektohet, duke theksuar se përgjegjësia është individuale dhe nuk lidhet me luftën e Kosovës.
Ajo theksoi se aktgjykimi është dhënë nga institucione të pavarura gjyqësore dhe se mandati i tyre duhet respektuar, ndërsa nënvizoi se duhet të nderohet kujtimi i të gjitha viktimave, pavarësisht përkatësisë.
“Askush dhe asgjë nuk mund ta rishkruajë historinë e Kosovës”, tha von der Leyen, duke vlerësuar gjithashtu reagimin e përmbajtur të qytetarëve dhe liderëve politikë pas vendimit.
Nga ana tjetër, kryeministri i Kosovës, Albin Kurti, tha se vetë gjykata ka përcaktuar se UÇK-ja dhe lufta për çlirimin e Kosovës nuk ishin në gjyq, duke kërkuar që ky fakt të theksohet më shumë edhe në arenën ndërkombëtare./Dosja.al
