Paralajmërimi i Rozana Radit: Për këdo që tenton të dëmtojë emrin tim, do japë llogari para drejtësisë

Këngëtarja Rozana Radi ka paralajmëruar se kushdo që tenton të dëmtojë emrin, imazhin apo reputacionin e saj do të përballet me një kallëzim penal dhe do të japë lloagri para drejtësisë.

Radi thekson se nuk është në asnjërën prej videove intime që qarkullojnë në rrjetet sociale.

Po ashtu u ka bërë thirrje të gjitha vajzave dhe grave të distancohen dhe të mos i japin zë një maskarade të tillë.

“Po përpiqeni në të gjitha mënyrat të bëni pis emrin e shumë njerëzve. Për mua, kjo mbaron këtu.

Për këdo që tenton të dëmtojë emrin, imazhin apo reputacionin tim përmes shpifjeve dhe të pavërtetave, do të ketë kallëzim penal dhe do të japë llogari përpara drejtësisë.

Theksoj qartë: unë nuk jam në asnjë prej videove të publikuara dhe nuk kam asnjë lidhje me videon që pretendohet.

Kam familjen time, kam partnerin tim në krah dhe kam një jetë timen. Ju lutem, mos e përdorni dhe mos e njollosni emrin tim pa asnjë bazë.

Dhe ju lutem shumë, kërkoj bashkëpunimin e të gjitha vajzave, grave dhe burrave: mos i jepni zë kësaj maskarade të poshtër që po ndodh në rrjetet shqiptare. Mos shpërndani, mos amplifikoni dhe mos i jepni jetë diçkaje që prek dinjitetin dhe emrin e njerëzve pa asnjë të vërtetë pas saj.

Nëse kjo vazhdon, do të ndjek të gjitha procedurat ligjore që më takojnë. Nga ky moment, le të flasin faktet dhe drejtësia”, shkruan Radi./ CNA