Gazetarja e Top Channel, Dorjana Bezat, ka zbuluar detaje të reja nga hetimi i policisë për rastin e videove intime të publikuara në ...
KOSOVA
Vajza e dëshmorit Lec Gradica mesazh nga protesta në Prishtinë: Ne kërkojmë drejtësi
PiranjatPërditësimi i fundit 1 Tetor 2026, 18:30
Lavdie Gradica, vajza e dëshmorit dhe mjekut të luftës Dr. Lec Gradica, ka qënë e pranishme në protestën 'Jo në emrin tim', e zhvilluar ditën e sotme në Prishtinë kundër vendimit për ish-krerët e UÇK-së. Ajo u shpreh se protestuesit e respektojnë drejtësinë, por sipas saj, ajo duhet të jetë e drejtë dhe nga ana e tyre nuk kërkohet asnjë llojë hakmarrje.
Në fjalën e saj Gradica ka folur në lidhje me kontributin e Lec Gradicës, në popullin e Kosovës dhe u shpreh se mundi u dha për një Kosovë ku e vërteta nuk frikësohet.
“Babai im ishte mjek në luftë. Ishte aty për t’i shpëtuar jetët e të plagosurve, për t’i ndihmuar njerëzit dhe për t’i shërbyer popullit të tij... Babi mori përsipër dhe e themeloi Spitalin Ushtarak të Gradicës, spital në të cilin u shëruan shumë plagë lirie. Babai im nuk dha jetën që ne të heshtim.
Ai dha jetën për një Kosovë ku e vërteta të mos frikësohet, ku drejtësia të mos ketë standarde të dyfishta dhe ku sakrifica e atyre që luftuan për lirinë të mos barazohet me krimin e gjenocidin. Ne e respektojmë drejtësinë. Por drejtësia duhet të jetë e drejtë.
Ne nuk kërkojmë privilegj.
Ne nuk kërkojmë hakmarrje. Ne kërkojmë drejtësi”, deklaroi ajo në fjalën e saj.
