Me dorëzimin e 120 pakove me projektligjin për ndryshimin e Ligjit për Dhomat e Specializuara është mbyllur protesta “Jo në emrin tim” në Prishtinë.
Pas disa orësh tubim, Çlirim Haziri dhe fëmijët e dëshmorëve shkuan pranë objektit të Qeverisë së Kosovës, ku dorëzuan materialet që synojnë ndryshimin e kuadrit ligjor mbi funksionimin e Dhomave të Specializuara.
Protesta u organizua në shenjë kundërshtimi ndaj dënimit të ish-krerëve të Ushtrisë Çlirimtare të Kosovës nga Dhomat e Specializuara.
Në përfundim të tubimit nuk u shënuan incidente. Pjesëmarrësit u larguan gradualisht nga zona, ndërsa protesta përfundoi e qetë.
Dorëzimi i projektligjit shënon edhe hapin përmbyllës të protestës, përmes të cilit organizatorët përcollën kërkesën e tyre institucionale për ndryshimin e ligjit që rregullon Dhomat e Specializuara.
