Ka përfunduar protesta e zhvilluar sot në Prishtinë kundër dënimeve të ish-krerëve të Ushtrisë Çlirimtare të Kosovës nga Dhomat e Specializuara të Kosovës, të njohura si Gjykata Speciale.
Në përfundim të tubimit, organizatorët kanë dorëzuar pranë institucioneve të Kosovës 120 pako që përmbajnë projektligjin për ndryshimin e ligjit për Dhomat e Specializuara të Kosovës.
Sipas pamjeve nga vendngjarja, pakot janë dërguar në drejtim të Qeverisë së Kosovës nga Çlirim Haziri dhe fëmijë të dëshmorëve.
Protesta u zhvillua në shenjë kundërshtimi ndaj vendimeve të Gjykatës Speciale për ish-drejtuesit e UÇK-së, ndërsa një nga kërkesat e protestuesve lidhet me ndryshimin e kuadrit ligjor që rregullon funksionimin e Dhomave të Specializuara.
Dorëzimi i projektligjit në institucionet e Kosovës pas protestës synon të përcjellë kërkesën e organizatorëve për ndryshime ligjore lidhur me Gjykatën Speciale.