“Fokus Award” çelet në Shkodër

Edicioni i 17-të i Festivalit Ndërkombëtar të Fotografisë “Fokus Award” u çel në Shkodër me ekspozitën “No Limits”, e hapur në Galerinë “Oda”. Në të u prezantuan punimet e 10 fotografëve italianë, të cilët sjellin stile, qasje dhe tematika të ndryshme përmes artit fotografik.

“10 fotografët janë fotografë karriere. Secili prej tyre ka sjellë ndjesinë e tij kundrejt temave të pavarura, prandaj është konsideruar edhe “non limit”, sepse vetë fotografia nuk ka limite në ekspozimin e saj. Kështu që, nëse do të flasim në përgjithësi, nuk mund të themi një temë të caktuar, por secili vjen pa kufij, brenda kufijve të tij”, u shpreh Arben Alliaj, Drejtor artistik i festivalit të fotografisë “Fokus Award”.

Kuratorja Maria Lanotte ndali te larmia e punimeve dhe mesazheve që përcjellin fotografët italianë.

“Përmes kësaj ekspozite, ne duam të përcjellim mesazhin e fotografëve italianë, që nuk është vetëm një, pasi trajtohen tematika të larmishme përmes reportazhit, fotografisë kërkimore dhe formave të tjera të shprehjes fotografike”, tha ajo.

Mes autorëve të pranishëm ishte edhe fotografi Giuseppe Cardoni, i cili prezantoi një fotoreportazh kushtuar ritualit të vdekjes në Meksikë, realizuar në bardhë e zi.

“Unë preferoj të fotografoj në bardhë e zi, sepse këto dy ngjyra shprehin më shumë dhe kërkojnë më tepër reflektim, duke përcjellë për rrjedhojë edhe më shumë emocion tek publiku”, theksoi fotografi.

Pas Shkodrës, aktivitetet e “Fokus Award” do të vijojnë edhe në Tiranë dhe Fier. Festivali, i krijuar në vitin 2006, ka mirëpritur ndër vite mbi 6 mijë artistë, ndërsa rreth 2 mijë e 400 autorë kanë qenë pjesë e ekspozitave dhe aktiviteteve të tij. A.K./TemA

Festivali i Teatrit “Skampa nisi në Elbasan edicionin e tij të 28-të

08:54 Kulturë

Mësuesi i letërsisë që shkruan libra historie

20:22 Kulturë

Tirana bëhet pjesë e një jave të dedikuar kulturës, artit dhe traditave gjermane

18:12 Kulturë

Gonxhja: Në Parkun Arkeologjik Bylis–Klos kanë nisur punimet

17:11 Kulturë

Muzeu Kombëtar i Artit Mesjetar nënshkroi Marrëveshje Bashkëpunimi me Universitetin e Tiranës

15:10 Kulturë

“Fjalori i Madh i Gjuhës Shqipe” prezantohet në Tetovë

13:09 Kulturë

Fillon java kulturore kroate

11:08 Kulturë 1 koment

Telefonat nuk i vranë libraritë, BBC: Në epokën e ekraneve po rikthehet dëshira për librin fizik

10:31 Kulturë

Në Belsh këtë mesjavë u zhvillua edicioni i tretë i Çmimit “Sami Frashëri”

09:07 Kulturë

Gonxhja: Amfiteatri Antik i Durrësit hyn në një etapë të re ruajtjeje dhe studimi

17:17 Kulturë