Finlanda po heton një numër “të konsiderueshëm” të dyshuarish për vjedhje me thyerje në shtëpitë e deputetëve, ndërsa Presidenti i vendit, Alexander Stubb, e ka cilësuar rastin si një “sulm ndaj demokracisë”.
Sipas kryetarit të Parlamentit finlandez, disa deputetë kanë raportuar ditët e fundit se kanë vënë re shenja të një vjedhjeje me thyerje në shtëpitë e tyre.
“Është e mundur që këto shenja të jenë lënë qëllimisht në një vend specifik, ku banorët mund t’i shihnin”, tha Jussi Halla-aho në një konferencë për shtyp.
Ai nuk specifikoi numrin e saktë të deputetëve, shtëpitë e të cilëve mbanin këto shenja, duke iu referuar vetëm një numri “të konsiderueshëm”, dhe as nuk tha nëse kishte persona specifikë të dyshuar.
Gjatë një udhëtimi në Finlandën veriore, Stubb e përshkroi rastin si “një sulm ndaj demokracisë”, pa dhënë më shumë detaje.
Në një deklaratë, policia e Helsinkit konfirmoi se kishte “nisur një hetim paraprak për këtë rast” dhe nuk pranoi të komentonte më tej.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Agjenda/ Kryediplomati gjerman në Vatikan për bisedime mbi Ukrainën
Etiopia dhe Eritrea ndërpresin marrëdhëniet diplomatike
Kirgistani lëshon satelitin e tij të parë në orbitë