Pse u shqetësua prokurori Adnan Xholi?

CNA, më herët sot, përmes një shkrimi, ka publikuar një listë emrash të prokurorëve të posaçëm, ku njëri prej tyre ka qenë në zyrën e Ergys Agasit, "kryeministrit të deleguar".

Me deduksion logjik, u la një listë emrash pa abuzuar dhe pa akuzuar asnjërin prej tyre. Megjithëse në atë listë me 9 emra mund të ishin edhe të tjerë, filloi çuditërisht të bjerë telefoni për një emër, i cili është prokurori Adnan Xholi. Një biznesmen dhe një person tjetër i njohur, zyrtar, na tha që është mik i prokurorit, i cili është shqetësuar për shkrimin tonë.

Në rast se nuk ka qenë në zyrën e Ergys Agasit pse shqetësohet Adnan Xholi. Ne nuk po akuzojmë njeri në mënyrë të drejtpërdrejtë, as nuk po themi se e ka mik, ne kemi listuar edhe 9 emra të tjerë, mund të linim dhe më pak. Fakti është që mediat që mbështesin Erion Veliajn dhe janë megafonët e Ergys Agasit, sulmuan Brahon në garën për kreun e SPAK-ut, ku rivali i Brahos ishte Adnan Xholi, kaq kemi thënë.

Në rast se prokurori ka diçka për të thënë le të dalë ta mohojë publikisht me reagim nga zyra e shtypit, që sot tha se është e vërtetë se një prokuror ka qenë të zyra e Agasit, kush është emri, të dalin dhe të na e thonë, prokurorët e çështjes Altin Dumani dhe Bledar Maskuti.

Ndoshta njoftimin e dhënë sot nga SPAK-u e ka porositur vetë Xholi te një kolegu ynë gazetar, por ndërsa ka dashur të shpëtojë nga e vërteta duket se i ka hapur gropën vetes. /CNA