Kombëtarja shqiptare e vajzave për herë të parë do të luajë në fazën e playoffit të Botërorit. Vajzat kuqezi do të luajnë me Uellsin në këtë fazë në 9 dhe 13 tetor dhe ky përbën një tjetër moment shumë të rëndësishëm për futbollin e vajzave në Shqipëri.
Të drejtuar nga Armir Grima skuadra kuqezi e vajzave do të nisë grumbullimin ditën e diel në Shkodër për të zhvilluar përgatitjet për sfidat e këtij raundi. Ndërkaq, trajneri i Kombëtares së vajzave ka publikuar listën e futbollisteve të grumbulluara ku bie në sy rikthimi i disa futbollisteve; Sara Maliqi, Endrina Elezaj, Arvina Nadiar Islami, Klaudia Borci, Florentina Kuqi dhe Qëndresa Krasniqi. Ndërsa mungesë e rëndësishme është mbrojtësja Arbenita Curraj, e cila nuk do jetë pjesë e ekipit për shkak të një dëmtimi.
Lista e plotë e Kombëtares së vajzave
Portiere: Antigoni Hyska, Rajmonda Spahiu, Klesjana Spaho
Mbrojtëse: Rexhina Maxhalaku, Sara Maliqi, Alma Hilaj, Endrina Elezaj, Arbiona Bajraktari, Klea Hamonikaj, Xhesika Ndoj, Leonora Dedgjonaj
Mesfushore: Arvina Nadiar Islami, Ezmiralda Franja, Megi Doçi, Ilarja Zarka, Qëndresa Krasniqi, Mikaela Metalla, Mesuare Begallo, Vanesa Levenaj, Gresa Berisha
Sulmuese: Fortesa Berisha, Valentina Troka, Klaudia Borci, Florentina Kuqi
Ndeshja e parë e Kombëtars me Uellsin do të luhet në “Loro Boriçi” më 9 tetor, në orën 18:00, ndërsa sfida e kthimit do të zhvillohet më 13 tetor, në orën 20:15.