Qiriri aromatik i kuzhinës nuk ka pse të mbajë më erë vetëm vanilje apo agrume. Food & Wine veçoi sot mes produkteve që redaktorët kanë dashur gjatë shtatorit një qiri me aromë lëkure dhe një diffuser me aromë apple cider, dy produkte që tregojnë se aroma po trajtohet gjithnjë e më shumë si pjesë e eksperiencës së kuzhinës dhe tavolinës.
Mrs. Meyer’s Apple Cider Diffuser përdor një aromë që lidhet drejtpërdrejt me vjeshtën dhe ushqimin, ndërsa Leather Appointment Candle nga Flamingo Estate shkon në një drejtim më të pazakontë, duke sjellë një aromë më të errët dhe atmosferike. Në të njëjtën përzgjedhje shfaqen edhe objekte artizanale për servirjen e whiskey-t, produkte gourmet dhe mjete kuzhine, duke e vendosur aromën në të njëjtën kategori me elementet e tjera që krijojnë atmosferën e shtëpisë.
Për një kohë të gjatë, aroma e fortë në kuzhinë ishte diçka që përpiqeshim ta eliminonim me aspirator, dritare të hapura apo produkte neutralizuese. Tani një pjesë e produkteve për shtëpinë po bëjnë të kundërtën / po shtojnë qëllimisht një shtresë tjetër arome pasi gatimi ka përfunduar.
Kjo lidhet edhe me mënyrën se si po shihet kuzhina. Nuk është më vetëm ambient pune. Në shumë shtëpi është vendi ku qëndrojnë të ftuarit, pihet vera dhe vazhdon mbrëmja, ndaj ndriçimi, muzika dhe aroma po marrin të njëjtën rëndësi si dekorimi.
