Megan Fox është fytyra e fushatës së ilaçeve kundër impotencës: Jeta është e shkurtër dhe duhet të jetë argëtuese

Aktorja amerikane Megan Fox u shfaq në fushatën e re reklamuese të kompanisë “Ro” për ilaçin kundër mosfunksionimit erektil, në të cilën u paraqit si personifikim i ilaçit “Ro Sparks” dhe ilaçit në formë njerëzore.

“Përshëndetje, unë nuk jam Viagra. Unë jam Ro Sparks, një ilaç me recetë për burrat”, thotë Fox në fillim të reklamës, në të cilën ajo shfaqet me një kostum të kuq shumë të ngushtë, sipas revistës People.

Fushata do të shfaqet në televizion, platforma transmetimi dhe përmbajtje me pagesë në rrjetet sociale, si dhe në tabela reklamash, përfshirë në Times Square në New York.

Në një intervistë, Fox tha se roli ishte ideal për të.

“Personalisht, mendoj se ndoshta kam lindur për këtë. Nuk ka person më të mirë që mund të kishte qenë i përfshirë”, tha aktorja.

Fox tha se fillimisht priste që kompania të ndiqte një qasje të ndryshme ndaj fushatës reklamuese, por se ekipi i saj në fund të fundit iu desh të kërkonte që disa shaka dhe aludime të zbuteshin.

“Mendova se do të duhej të ktheheshim me shumë sugjerime dhe të thoshim: ‘Kjo duhet të jetë shumë më qesharake, më seksi dhe më e gjallë.’ Në fakt na u desh të thoshim: ‘Ndoshta duhet ta zbusim pak tonin'”, tha ajo.

Aktorja deklaroi se donte që reklama të ishte argëtuese në mënyrë që të zvogëlonte ndjenjën e turpit që burrat mund të kenë për mosfunksionimin erektil.

“Jeta është e shkurtër dhe duhet të jetë argëtuese. Duhet të jesh në gjendje të qeshësh dhe të kënaqesh”, tha Fox dhe u tha burrave që kanë problemet e lartpërmendura se nuk duhet të ndiejnë se “diçka nuk shkon” me ta.

Megan Fox njihet për rolet e saj në filma dhe seriale si “Transformers”, “Ninja Turtles” dhe “Jennifer’s Body”, ndërsa së fundmi është shfaqur në filmat “Five Nights at Freddy’s 2”, “Subjugation” dhe “Mercenaries 4”.

Sipas kompanisë “Ro”, preparati është një terapi për mosfunksionimin erektil që kombinon sildenafilin dhe tadalafilin, përbërës aktivë që përdoren edhe në ilaçe të tilla si Viagra dhe Cialis.

Kompania Ro, e cila ofron shërbime telemjekësore, deklaroi se hulumtimi i saj tregoi se burrat reagojnë më pozitivisht ndaj mesazheve mbi këtë temë kur ato vijnë nga një grua. Ro më parë ka punësuar personazhe të famshëm për të promovuar produktet e tjera të saj, përfshirë Serena Williams, Charles Barkley, Tricia Paytas dhe Chrissy Metz.