Lot dhe emocione, mësuesi del në pension! Nxënësit e surprizojnë, Kumbaro: Duartrokitjet e tyre vlejnë më shumë se çdo fjalë

Pamjet më emocionuese të kësaj të premteje kanë ardhur nga Tropoja, ku nxënësit dhe kolegët e shkollës 9-vjeçare “Besëlidhja e Malësisë” kanë përcjellë në pension mësuesin e Edukimit Fizik, Gëzim Pali. Pas shumë vitesh në arsim, kolegët i organizuan një surprizë të veçantë, ndërsa nxënësit e përcollën me duartrokitje, përqafime dhe shumë emocione. Një mënyrë e bukur për t’i thënë “faleminderit” një mësuesi që për vite me radhë ka qenë pjesë e përditshmërisë së tyre.

Momentet nga kjo ditë i ka ndarë në rrjetet sociale edhe Ministrja e Arsimit, Mirela Kumbaro, e cila i ka shprehur mirënjohjen mësuesit të Edukimit Fizik. “Faleminderit, profesor Gëzim, për gjithçka ke dhënë ndër vite, të uroj shëndet dhe pension të gjatë e të merituar pranë familjes. Duartrokitjet e nxënësve dhe ngrohtësia e kolegëve vlejnë më shumë se çdo fjalë”, shkruan Kumbaro.

Gjatë viteve të punës në shkollë, Gëzim Pali ka përcjellë te breza nxënësish dashurinë për sportin, por edhe vlera si disiplina, bashkëpunimi, këmbëngulja dhe respekti. Për kolegët ka qenë një bashkëpunëtor i përkushtuar e i respektuar, ndërsa për nxënësit një prej atyre mësuesve që nuk mbeten vetëm në regjistrat e shkollës, por edhe në kujtime.

Dhe në fakt, ndoshta mënyra më e mirë për të kuptuar se çfarë mësuesi ke qenë është pikërisht kjo: kur vjen dita e pensionit, nxënësit të mos duan të të lënë të ikësh pa të përqafuar e duartrokitur. Për Gëzim Palin, kjo ditë erdhi pikërisht kështu.

Pensioni mbyll një pjesë të jetës profesionale, por vitet e kaluara në shkollë vazhdojnë të jetojnë te nxënësit, te kolegët dhe te kujtimet që mbeten. Gëzim Pali largohet nga detyra me një nga “certifikatat” më të bukura që mund të marrë një mësues: mirënjohjen e nxënësve të tij.

Balla dhe Spahiu vizitojnë të moshuarit në Kavajë: “Mosha e tretë ka nevojë për përkujdesje dhe dashuri”

13:10 Sociale 3 komente

Videot intime, reagon Luarasi: Turpi s’u përket grave, ta denoncojnë! Shpërndarja e tyre s’është gazetari, por dhunë

11:10 Sociale 23 komente

FOTO/ Parku Rinia do të ketë një godinë të re shumëkatëshe, shpallet projekti fitues për “Tirana Fountain Plaza”

21:35 Sociale 58 komente

Universitetet më të mira në botë për 2027/ SHBA dhe Britania dominojnë 10-shen e parë

20:05 Sociale 3 komente

Kumbaro: Hapet thirrja për Programin Kombëtar të Financimit të Doktoraturave 2026, dyfishohet mbështetja për doktorantët

19:45 Sociale

Bashkia e Tiranës vijon evidentimin e objekteve të palegalizuara, mbi 4,600 matje të depozituara në ASHK!

19:35 Sociale 1 koment

Kardiokirurgjia me strukturë të re, Rama: Ambicia është të plotësojmë çdo nevojë të QSUT-së. Investimet do të vijojnë në 2027

17:15 Sociale 3 komente

Pse videot intime janë një thirrje për rikthim në realitet?

15:50 Sociale 2 komente

Tonelata peshq ngordhën nga tharja, nis dezinfektimi i rezervuarit të Kasharajt

10:50 Sociale 1 koment

74% e punësimit në Shqipëri është në profesione me aftësi të mesme

09:10 Sociale