"Ripërtëritja e PD ka vetëm një qëllim..."/ Berisha: Vetëm një forcë vitale që afron rreth vetes vlerat më të mira mund të jetë parti e shpresës dhe fitores
"Ripërtëritja e PD ka vetëm një qëllim, ripërtëritjen e Shqipërisë në të gjitha aspektet"...
"Ripërtëritja e PD ka vetëm një qëllim, ripërtëritjen e Shqipërisë në të gjitha aspektet"...
"Nuk është betejë vetëm kundër klasës politike"/ Aktivistja Vatnikaj: Të marrim dinjitetin që na kan&eu...
EMRI/ Kërcënoi me tritol pikën e karburantit, identifikohet autori 2 Tetor, 19:01 "50 milionë lekë o...
Audiopërgjimet e publikuara nga Arben Ahmetaj/ SPAK dhe BKH kontroll në banesën e biznesmenit Ron Yeffet në periferi të...
Një pllakë qeramike duket si një produkt i thjeshtë, derisa përpiqesh ta prodhosh në Europën e vitit 2026. Në pavijonet e Cersaie në Bolonja, sipërfaqet shkëlqejnë, guri dhe toka imitohen deri në përsosmëri, ngjyrat bëhen më të buta dhe materialet kërkojnë të sjellin natyrën brenda shtëpisë.
TIRANË- Në një industri ku kostot po rriten, tregjet po bëhen më të vështira dhe konkurrenca po zhvendoset, qeramika europiane po përpiqet të mbrojë pozicionin e saj përmes dizajnit, teknologjisë dhe markës.
Një pllakë qeramike duket si një produkt i thjeshtë, derisa përpiqesh ta prodhosh në Europën e vitit 2026. Në pavijonet e Cersaie në Bolonja, sipërfaqet shkëlqejnë, guri dhe toka imitohen deri në përsosmëri, ngjyrat bëhen më të buta dhe materialet kërkojnë të sjellin natyrën brenda shtëpisë.
Por pas dizajnit të rafinuar qëndron një industri që konsumon shumë energji dhe po përballet me kosto më të larta, konkurrencë më të fortë dhe tregje gjithnjë e më të pasigurta.
Këto ishin ndër temat kryesore të Cersaie 2026, panairit ndërkombëtar të qeramikës dhe arredimit, të zhvilluar në Bolonja më 21-25 shtator. Edicioni i këtij viti mblodhi 597 ekspozues nga 24 vende, në rreth 145 mijë metra katrorë hapësirë ekspozuese.
Në konferencën ndërkombëtare të shtypit të “Ceramics of Italy”, më 22 shtator, Andrea Serri zgjodhi një fjalë për të përshkruar momentin: “krizë”. “Ndoshta kjo është fjala që përshkruan më mirë kohët në të cilat po jetojmë, kohë me rreziqe të mëdha”, tha ai, duke e lidhur situatën me mënyrën se si industria e qeramikës po përballet me një mjedis më të vështirë ekonomik.
Industria italiane e qeramikës gjeneron rreth 7.5 miliardë euro xhiro. Vetëm prodhuesit pllakave të mëdha realizuan rreth 6 miliardë euro të ardhura në vitin 2025 dhe eksportuan 82% të shitjeve të tyre. Investimet e sektorit ranë me 16% vitin e kaluar, në 321 milionë euro, ndërsa kompanitë u përballën me kosto më të larta të energjisë dhe të sistemit europian të emetimeve.
“Çmimet janë rritur dhe prodhimi në këto kushte është një sport ekstrem, për të mos thënë i pamundur”, tha Lorenzo Galanti, Drejtor i Përgjithshëm i ITA – Agjencia Italiane e Tregtisë. Sipas tij, kostot janë rritur me 50%, ndërsa industria duhet në të njëjtën kohë të vazhdojë investimet për të përmbushur objektivat klimatike.
“Ne jemi në linjë me objektivat e klimës, por kjo për industrinë është një përpjekje e jashtëzakonshme”, tha z. Galanti. Për një sektor që mbështetet fort tek eksportet, presioni nuk vjen vetëm nga kostot e prodhimit.
Problemi nuk përfundon në derën e fabrikës
Filippo Manuzzi, Kryetar i Komisionit për Aktivitetet Promovuese dhe Panairet të Confindustria Ceramica, vuri në dukje humbjen e volumeve dhe ndryshimet që po ndodhin në shpërndarjen e prodhimit. “Ka një fakt delikat për sektorin e qeramikës: po humbasim volum”, tha ai. Një nga arsyet, sipas z. Manuzzi, është përhapja e prodhuesve në më shumë tregje. Tjetra është logjistika.
“Qeramika është një material shumë i rëndë dhe kërkon një logjistikë specifike”, tha ai. Zhvillimet e fundit kanë shtuar presionin mbi transportin dhe shpërndarjen. Z. Manuzzi përmendi Azinë dhe Afrikën dhe tha se efektet po arrijnë gjithnjë e më shumë edhe në SHBA, një nga tregjet e rëndësishme për industrinë italiane.
“Ky është një panair ku do të shohim dizajn, materiale dhe prodhim, ndërsa numrat janë kompleksë. Megjithatë, ne mbetemi optimistë”, tha ai.
Për institucionet italiane, kërkimi i tregjeve të reja është bërë pjesë e politikës së mbështetjes së kompanive. Mauro Battocchi, Drejtor i Përgjithshëm për Promovimin e Vendit në Ministrinë italiane të Punëve të Jashtme dhe Bashkëpunimit Ndërkombëtar, e përkufizoi këtë qasje si “diplomaci të rritjes”.
“Po bëjmë atë që quajmë diplomaci të rritjes, pra diplomaci që mbështet dhe nxit rritjen e biznesit”, tha z. Battocchi.
Pas krizave të viteve të fundit, sipas tij, fjala kyçe është “elasticiteti”. Ai theksoi nevojën për të hapur tregje të reja përtej destinacioneve tradicionale dhe për ta mbështetur këtë proces përmes marrëveshjeve. “Duhet të shkojmë më larg”, tha z. Battocchi.
Në dy vitet e fundit, sipas tij, janë zhvilluar rreth 500 vizita politike dhe teknike në vende të ndryshme. Kanadaja dhe Australia ishin mes tregjeve të përmendura, ndërsa z. Battocchi vlerësoi edhe rolin e ICE-së në mbështetjen e kompanive italiane jashtë vendit.
“Po ecim mirë, por nuk mund të jemi të vetëkënaqur, sepse kohët janë të vështira”, tha ai. “Duhet të vazhdojmë të zhvillojmë rrugë të tjera në një botë që nuk është stabël”.
Cersaie është gjithashtu një nga instrumentet e këtij ndërkombëtarizimi. Operatorë të huaj, arkitektë, distributorë dhe përfaqësues të medias ftohen çdo vit në Bolonja për të parë nga afër produktet dhe zhvillimet e industrisë.
“Kjo industri është një pasuri e artizanatit, traditës dhe njohurive dhe çdo vit i tregon botës trendet dhe risitë e reja”, tha z. Galanti. Për të, Cersaie mbetet edhe në një fazë krize “një mundësi e jashtëzakonshme për të gjetur klientë”.
Tendencë, në një botë kaotike, shtëpia kërkon qetësi
Nëse diskutimi ekonomik në Cersaie u përqendrua te kostot, energjia dhe tregjet, prezantimi i tendencave solli një gjuhë tjetër: natyrën, dritën dhe materialet që duken të papërsosura. “Nëse bota është kaq kaotike, ndoshta duhet të përfshijmë edhe njeriun, i cili kërkon ndërgjegjësim”, tha Cristina Faedi, konsulente për pllakat qeramike.
Pikënisja e saj ishin chakra-t. E gjelbra, bluja dhe e bardha shfaqen në paletat e reja, ndërsa kjo e fundit, sipas saj, përfaqëson lidhjen me universin. “Nuk është më një shtëpi që kërkon të fotografohet.
Nuk ka më efektin ‘wow’, por është solide, e qëndrueshme”, tha znj. Faedi.
Frymëzimi vjen shpesh nga natyra. E gjelbra është e pranishme në shumë koleksione, ndërsa sipërfaqet marrin pamjen e gurit, argjilës, gëlqerorit dhe erozionit. Një tjetër prirje është papërsosmëria.
Ngjyrat dhe sipërfaqet japin idenë e konsumimit natyror, ndërsa elemente më të vogla përdoren për të reflektuar dritën.
Argjila etruske dhe materiale që duken si zbulime gjeologjike janë gjithashtu pjesë e kësaj tendence. Efekti i gurit vazhdon të jetë i pranishëm, por me variacione që znj. Faedi i lidhi me “memorien gjeologjike”.
Palladiani, efektet kromatike dhe gëlqerori janë ndër materialet dhe pamjet që po rikthehen. Në koleksionet e reja shfaqen gjithashtu ndikime orientale dhe estetika wabi-sabi, e cila e gjen bukurinë te papërsosmëria. Në të njëjtën kohë ka frymëzime nga antikiteti, Panteoni, gjeometritë e shenjta, arkitektura skandinave dhe katedralet gotike.
“Në këtë moment shumë të vështirë për njerëzimin, gjesti i takimit mes dy njerëzve, dy kompanive apo dy marrëveshjeve të biznesit është më shumë se kaq”, tha znj. Faedi. “Është një gjest që flet për dialog, mirëkuptim dhe paqe.”/Monitor.al
TIRANË- Tregtimi i energjisë elektrike mbetet një model tërheqës biznesi, por ka varësi të lartë nga ecuria e prodhimi...
Foto ilustruse Banka e Shqipërisë ka përgatitur disa ndryshime në rregulloret për funksionimin e sistemeve të saj të pag...
Foto ilustruse Zhvlerësimi i Euros dhe valutave të tjera kryesore të huaja në kursin e këmbimit me Lekun po vazhdon të ul&eum...
Tirane Shumë sipërmarrës në kryeqytet nxituan të marrin leje për kulla, më shumë kate që u parashikuan pë...
PPP Për periudhën 2017-2025 buxheti i shtetit ka paguar në total 98 miliardë lekë, ose rreth 1 miliard euro, për 12 kontrata ...
foto ilustruese TIRANË- Të ardhurat nga tatimi mbi fitimin janë zëri me ecurinë më të dobët në buxhetin e shte...
TIRANË- Rezultatet e vrojtimit mbi perceptimin e rreziqeve sistemike në vend nga sektori bankar tregojnë se, gjatë gjysmës së pa...
foto ilustruese TIRANË- Numri i shqiptarëve që rezultojnë depozitues në banka është rritur gjatë viteve të fun...
foto ilustruese TIRANË- Kërkesa për kredi në sektorin bankar u rrit ndjeshëm në gjysmën e parë të këtij v...
Foto ilustruse Numri i shqiptarëve që rezultojnë depozitues në banka është rritur gjatë viteve të fundit, por difer...
