Një ceremoni përkujtimore u zhvillua të premten në mbrëmje në Carabayeda, në shtetin La Guaira, ku rreth 400 njerëz nderuan kujtimin e viktimave të tërmetit të dyfishtë që goditi Venezuelën 100 ditë më parë.
Vullnetarët ndezën dhe shpërndanë qirinj të bardhë në hapësirën ku dikur qëndronte një kompleks banimi. Ndërtesa u rrëzua pas dy lëkundjeve me magnitudë 7.2 dhe 7.5, të regjistruara me vetëm 39 sekonda diferencë.
Të lidhura
None found
Mes personave që humbën jetën ishte edhe 16-vjeçarja Francelis Iriarte. Ajo mbeti nën rrënoja kur godina u shemb para prindërve të saj, të cilët po ktheheshin nga supermarketi. Në makinën e familjes ishte shkruar dedikimi: “Do të të duam përgjithmonë, vajza jonë”.
Trupi i vajzës u nxor nga rrënojat pas 29 ditësh kërkimesh.
Fielous Perdomo, e cila humbi disa anëtarë të familjes në këtë tragjedi, foli me dhimbje përpara vendit ku më parë ndodhej godina e apartamenteve.
“Është e vështirë të pranosh se nuk ka mbetur asgjë, përveç një peme të vogël. Është e tmerrshme”, u shpreh ajo mes lotësh.
Lëkundjet e 24 qershorit shkaktuan dëme të shumta në veri të Venezuelës. Sipas të dhënave të raportuara, bilanci i viktimave arriti në më shumë se 6,500 persona.
